نور خان ایئر بیس سے لاہور کے لئیے اڑان بھرنے والا خصوصی نجی طیارے میں دوران پرواز خرابی پیدا ہوگئی تاہم سول ایوی ایشن اتھارٹی کے ایئر ٹریفک کنٹرولر نے مہارت سے طیارے کو کنٹرول کرتے ہوئے اسے خوفناک حادثے سے بچالیا۔
تفصیلات کے مطابق سول ایوی ایشن اتھارٹی کے ایئر ٹریفک کنٹرولر نے معجزانہ طور پر خصوصی نجی طیارے کو حادثے سے بچالیا۔ نجی طیارہ نور خان ایئر بیس سے لاہور کے لیے سفر کر رہا تھا۔

ذرائع کے مطابق طیارے کے اڑان بھرنے کے10 منٹ بعد ہی اس میں فنی خرابی پیدا ہوگئی جس کے بعد کپتان کا ایئر ٹریفک کنٹرولر سے رابطہ بھی منقطع ہوگیا، طیارہ ریڈار سے اچانک غائب ہوگیا۔ ذرائع نے مزید بتایا کہ طیارے کے الیکٹرک سسٹم نے اچانک کام کرنا چھوڑ دیا تاہم سی اے اے کے ایئر ٹریفک کنٹرولر نے مہارت سے طیارے کو کنٹرول کر لیا۔ طیارے کو نیو اسلام آباد ایئرپورٹ پر بحفاظت اتار لیا گیا۔
طیارے میں ایک انتہائی اہم شخصیت سفر کر رہی تھی-

Also Read: https://www.bolnews.com/urdu/pakistan/2019/11/393800/amp/