وفاقی وزیر برائے قانون فرغ نسیم نے  ملک ملازمتوں کے حوالے سے رائج کوٹہ سسٹم کو غیر شرعی قرار دیدیا ہے۔

سینیٹ فنگشنل کمیٹی برائے حکومتی یقین دہانی کا اجلاس چیئرمین سینیٹر محمدطاہر نزنجو کی زیر صدارت پارلیمنٹ ہاؤس میں منعقد ہوا۔ کمیٹی  کے اجلاس میں 19جنوری 2016کو منعقدہ سینیٹ کے اجلاس میں اسٹبلشمنٹ ڈویژن کے انچارج وزیر کی طرف سے ملازمت کے کوٹے کیلئے پارلیمنٹ کے دونوں ایوانوں میں آئینی ترمیم کے تعارف اور منظوری کے بارے میں دی گئی یقینی دہانی کی موجودہ حیثیت کے بارے میں وفاقی وزیر برائے قانون و انصاف نے تفصیلی بریفنگ دی۔

وفاقی وزیر برائے قانون فرغ نسیم نے  ملک ملازمتوں کے حوالے سے رائج کوٹہ سسٹم کو غیر شرعی قرار دیتے ہوئے معاملہ کو کمیٹی ممبران اور کیبنٹ کی رائے کے بعد حتمی فیصلہ کرنے کی سفارش کر دی اورکہا کہ معاملہ کیبنٹ میں پیش کیا جا رہا ہے جس پر تمام کمیٹی ممبران نے معاملہ کو نہایت سنگین قرار دیتے ہوئے کہا کہ وزیراعظم کو معاملہ کو اپنی نگرانی میں حل کرنے کی ضرورت ہے۔

اجلاس میں کمیٹی نے نیشنل اسمبلی کے ملازمین کو الاٹ کئے گئے پلاٹ اور ملازمین کی لسٹ کو نوٹس بورڈ پر آویزاں کرنے کی ہدایات جاری کر دی گئی اور اس معاملہ پر بنائی گئی ذیلی کمیٹی کو بحال کر دیا گیا

وفاقی وزیر برائے قانون و انصاف فرغ نسیم نے کوٹہ نظام کے ہونے اور اس کے باعث جعلی ڈومیسائل بننے کے مسئلے کی طرف اجلاس کی توجہ دلائی۔

انہوں نے کہا کہ کوٹہ سسٹم پر مکمل طور پر عملدرآمد نہ ہونے کے باعث وہ افراد اس کا فائدہ اٹھا رہے ہیں جو دراصل حقدار نہیں ہیں اور حقیقی حقداروں کا استحصال ہو رہا ہے اور کوٹہ کے مطابق مختلف پسماندہ علاقوں سے آنے والے بیورکریٹ اور مختلف شعبہ جات سے تعلق رکھنے والے آفیسرز کو ان علاقوں میں ہی خدمات سرانجام دینی چاہئے تا کہ پسماندہ علاقوں میں ترقی اور خوشحالی لائی جاسکے۔

اجلاس میں کمیٹی نے نیشنل اسمبلی کے ملازمین کو الاٹ کئے گئے پلاٹ اور ملازمین کی لسٹ کو نوٹس بورڈ پر آویزاں کرنے کی ہدایات جاری کر دی گئی اور اس معاملہ پر بنائی گئی ذیلی کمیٹی کو بحال کر دیا گیا۔

کمیٹی کے  اجلاس میں وفاقی وزیر برائے پارلیمانی امور اعظم سواتی، وفاقی وزیر برائے قانون فرغ نسیم، سینیٹرز مہر تاج روغانی، کیشو بائی، مولوی فیض احمد، فدا محمد کے علاوہ وزارت پارلیمانی اموراور وزارت قانون کے اعلیٰ حکام نے شرکت کی