پاکستان پیپلزپارٹی کے چیئرمین بلاول بھٹو زرداری سے پارٹی کے وکلاء اور مزدور رہنماؤں کی ملاقات ہوئی۔

ملاقات میں پی ٹی آئی نے جنوبی پنجاب صوبے کے نام پر ہمیں دھوکا دیا، مزدور اور وکلاء راہنماؤں نے چیئرمین بلاول بھٹو زرداری سے مکالمہ کیا۔

چیئرمین بلاول بھٹو زرداری کا کہنا تھا کہ نوے دن میں صوبے کے قیام کا وعدہ کرنے والی پی ٹی آئی سے جنوبی پنجاب کے عوام تنگ ہیں۔

پارٹی کے وکلاء اور مزدور رہنماؤں سے ملاقات میں بلاول بھٹو زرداری کا یہ بھی کہنا تھا کہ حکومت کے خلاف پاکستان پیپلزپارٹی کی احتجاجی مہم جاری ہے۔

 چیئرمین بلاول بھٹو زرداری کا مزید کہنا تھا کہ پاکستان پیپلزپارٹی جنوبی پنجاب صوبے کو قائم کرکے رہے گی اور میں آٹھ نومبر کو مظفر گڑھ میں جلسہ کروں گا۔

ملاقات میں پی پی پی جنوبی پنجاب کے صدر مخدوم احمد محمود، خواجہ رضوان عالم، عبدالقادر شاہین اور حیدر زمان قریشی، پیپلزلائر فورم کے شیخ غیاث الحق، اشفاق گیلانی، اشفاق تیجہ، مرزا امین، وکلا راہنما جام شکیل، یونس حسن، جاوید اختر، نوید سلمان، وکلاء راہنما عاصم پرویز، نویدالرحمان ہاشمی، ارسلان حیدر، میراقبال سرگانہ اور فیاض لکھویرا، بھٹہ یونین، پیپلزیونٹی آف پی آئی اے اور ریلوے یونین کے راہنماؤں، گرینڈ ہیلتھ الائنس اور سوئی گیس یونین کے راہنماؤں، واپڈا یونین، واسا یونین، انڈسٹریل ٹریڈ یونینز، ایم ڈی اے ایمپلائنز یونین ودیگر وفاقی و صوبائی اداروں کی یونینز کے راہنما شریک ہوئے۔

اس موقع پرمزدور راہنما ملک بشیر احمد، مہرعباس راجہ، مطلوب بخاری، طاہر خاکوانی اور عمران شاہ کاظمی سید ارشاد حسین، مہرخالد ہراج، سید معظم علی، بشیر جوئیہ اور ڈاکٹر فاران اسلم ، مزدور راہنما ریاض حسین ناصر، حمزہ طاہر، طاہر خاکوانی، یاسین سیال، اللہ بخش، حسین کھوکھر، سادش طلعت اور اللہ بخش ، مزدور راہنما اے ڈی کنول، ممتاز خان، میڈم شمیم، سیدہ نصرت، امتیاز متیلا، شبیر مکول اور غضنفر عباس نے بھی شرکت کی۔