پاک بحریہ  نے خشکی سے بحری جہاز کو نشانہ بنانے والے میزائل کا کامیاب تجربہ کیا ہے۔

ترجمان پاک بحریہ کے مطابق پاک بحریہ   کی جانب سے خشکی سے بحری جہاز کو نشانہ بنانے والے میزائل کا کامیاب تجربہ کیا  گیا ہے۔ میزائل نے اپنے ہدف کو کامیابی سے نشانہ بنایا۔

پاک بحریہ کے سربراہ ایڈمرل ظفر محمود عباسی نے میزائل فائرنگ کا مشاہدہ کیا۔

#PakNavy successfully launched, land-to-sea anti-ship missile. CNS Admiral Zafar Mahmood Abbasi witnessed the missile firing. Naval Chief appreciated the efforts of relevant units, scientists & engineers to make this missile testing a success https://www.bolnews.com/urdu/pakistan/2019/11/650022/amp/@PakistanNavy

Advertisement

— Rear Admiral M Arshid Javed DGPR Navy (@dgprPaknavy) November 5, 2019

ترجمان پاک بحریہ کے مطابق امیرالبحر ایڈمرل ظفر محمود عباسی نے میزائل تجربے کو کامیاب بنانے پر متعلقہ یونٹس، سائنسدانوں اور انجینئرز کی کاوشوں کو سراہا۔

اس موقع پر ایڈمرل ظفر محمود عباسی نے کہا کہ  پاک بحریہ کسی بھی قسم کی جارحیت کا بھرپور جواب دینے کی مکمل صلاحیت رکھتی ہے۔

امیرالبحر کا مزید کہنا تھا کہ پاک بحریہ کے جوان اور آفیسرز ملک کی سمندری سرحدوں اور بحری اثاثوں کے تحفظ کے لئے ہمہ وقت تیار ہیں۔

اس سے قبل پی این ایس قاسم منوڑا کراچی میں کمانڈر کوسٹ کی تبدیلی کی تقریب  ہوئی۔ جس میں پاک بحریہ نے رئیر ایڈمرل فیصل رسول لودھی کو کمانڈر کوسٹ تعینات کیا ۔

رئیر ایڈمرل فیصل رسول لودھی نےوائس ایڈمرل محمد فیاض جیلانی سے کمانڈر کوسٹ کا عہدہ سنبھالا۔