وزیراعظم عمران خان نے مذاکراتی کمیٹی کو مکمل اختیار دیتے ہوئے کہا ہے کہ رہبر کمیٹی سے آئینی مطالبات پر بات چیت کریں۔

ذرائع کے مطابق وزیراعظم سے حکومتی مذاکراتی کمیٹی کی ملاقات ختم ہوگئی ہے جبکہ ملاقات میں وزیر اعظم نے رہبر کمیٹی کو ہدایت کی ہے کہ آئینی مطالبات پر بات چیت کریں اور واضح کردیا کہ وزیراعظم کے استعفٰی پر کوئی بات نہیں ہوگی۔

ملاقات میں اپوزیشن کی جانب سے حکومت کو دیے گئے مطالبات پر بات چیت کی گئی تاہم گزشتہ روز کی طرح آج بھی ملاقات بے نتیجہ ختم ہوگئی اور کسی معاملے پر اتفاق نہیں ہوسکا۔

دوسری جانب اپوزیشن وزیراعظم کے استعفے سمیت ہم اپنے موقف پر ڈٹے ہوئے ہیں، اکرم درانی نے کہا کہ 9 جماعتوں کی رہبر کمیٹی کا وہی مطالبہ ہے جو پہلے تھا۔

اجلاس کے بعد گفتگو پرویز خٹک نے کہا ہے کہ ہر ایک کا اپنا موقف ہے، بات چیت چل رہی ہے اور درمیانی راستہ نکالنے کے لیے اپنی اپنی قیادت سے بات کریں گے جبکہ وزیراعظم کے استعفیٰ پربات نہیں ہوگی،اپوزیشن سے آئینی مطالبات پربات ہوسکتی ہے۔