ڈی جی آئی ایس پی آر آصف غفور کے مطابق رائیونڈ تبلیغی اجتماع کے عمائدین کی چیف آف آرمی سٹاف جنرل قمر باجوہ سے ملاقات ہوئی۔

ملاقات میں آرمی چیف نے تیز گام حادثے میں جاں بحق افراد کے لیئے فاتحہ کی جبکہ ٹرین حادثے کےزخمیوں کی جلد صحتیابی کی دعا بھی کی۔

وا ضح رہے کہ صوبہ پنجاب کے شہر لیاقت پور کے قریب تیز گام ٹرین کی 3 بوگیوں میں آگ لگ گئی جس کے نتیجے میں اب تک 71 افراد جاں بحق اور متعدد زخمی ہوگئے تھے۔

کراچی سے لاہور جانے والی تیز گام ٹرین کی 3 بوگیوں میں آگ لگ گئی، حادثے میں 65 افراد جان کی بازی ہار گئے تھے۔
ڈی سی رحیم یار خان کے مطابق آگ سلینڈر پھٹنے کے باعث لگی ، زخمیوں کو طبی امداد کے لیے احمد پور شرقیہ، بہاولپور اسپتال منتقل کیا گیا تھا ۔

وفاقی وزیر ریلوے شیخ رشید احمد نے لیاقت پور ٹرین حادثے میں جاں بحق و زخمی ہو نے والے افراد کی مالی امداد کا اعلان بھی کہا تھا۔

محکمہ ریلوے نےموقف دیتے ہوئے کہا تھا کہ ٹرین میں آگ سلینڈر پھٹنےسے لگی۔ متاثرہ تینوں بوگیوں میں 207 افراد سوارتھے۔ جن میں سے ایک بوگی میں 78 ، دوسری میں 77 اور بزنس کلاس کی بوگی میں 54 افراد کی بکنگ تھی، حادثے کے بعد بوگیوں سے کئی افراد کی جلی ہوئی لاشیں نکالی گئی ہیں جن میں سے کئی لاشوں کے ٹکڑے ملے ہیں۔