بمطابق ترجمان رینجرز، کراچی میں رینجرز نے شہر کے مختلف علاقوں میں کارروائی کرتے ہوئے 15 ملزمان کو گرفتار کیا گیا۔

ترجمان رینجرز سندھ کا کہنا ہے کہ کراچی میں شریف آباد، بغدادی، شاہرا ہ فیصل، کورنگی انڈسٹریل ایریا، الفلاح، ڈاکس اور ناظم آباد کے علاقوں میں گرفتاریاں عمل میں آٸیں۔

 گرفتار ملزمان شہریوں سے لوٹ مار کرنے، موٹر سائیکل چھیننے، منشات فروشی، ڈکیتی اور اسٹریٹ کرائم کی متعدد وارداتوں میں ملوث ہیں جبکہ گرفتار ملزمان سے اسلحہ، ایمونیشن، مسروقہ سامان اورمنشیات بھی برآمد کیا گیا ہے۔

ترجمان سندھ رینجرز کا کہنا ہے کہ تمام ملزمان کو قانونی کارروائی کیلئے پولیس کے حوالے کر دیا گیا ہے۔

 گرفتار ملزمان میں محمد عمر عرف فیصل عرف منا، شاہد، محمد امیر عرف لنچی ماموں، نوشاد،محمد نواز خان، محمد راشد،طارق حسین عرف کریلا، راشد علی عرف وسیم، فرحان علی عرف فنو عرف میواتی، محمد شفیع عرف کانہ، اعجاز خان،عادل حسین، اشرف عرف بوگ، ہارون خان اور اعجاز حسین شامل ہیں۔