ڈی جی آئی ایس پی آر میجرجنرل آصف غفور کا کہنا تھا کہ دھرنےمیں فوج کاکوئی کردارنہیں ہے۔

تفصیلات کے مطابق ڈی جی آئی ایس پی آر نے کہا کہ مولانا فضل الرحمان سینئر سیاست دان ہیں اور پاکستان سے محبت کرتے ہیں لیکن مولانا مارچ سیاسی سرگرمی ہے اور اس سے فوج کا لینا دینا نہیں ہے۔

آصف غفور نے کہا  فوج آئین میں رہتے ہوئے طلب کرنے پر اپنا کردار ادا کرتے ہیں، الیکشن میں فوج کا کوئی کردار نہیں، اسے صرف سیکیورٹی کے لیے بلایا جاتا ہے جبکہ فوج حکومت کے احکامات پر عمل کرتی ہے۔

ان کا کہنا تھا حکومت اگر الیکشن میں نہیں بلائے گی تو فوج نہیں جائے گی، فوج وہی کام کرتی ہے جو حکومت اس سے کہتی ہے جبکہ فوج کی خواہش نہیں ہوتی کہ الیکشن میں کوئی کردار ادا کرے،2014کےدھرنےمیں بھی فوج نےجمہوری حکومت کاساتھ دیاتھا۔

ڈی جی آئی ایس پی آر میجرجنرل نے کہا کہ میں چاہتا ہوں کہ الیکشن میں فوج کاعمل دخل کم سےکم ہو اور ایساالیکشن پراسس تیارکیاجائےجس میں فوج کاکردارنہ ہو۔

ان کا کہنا تھا کہ فوج کشمیرکامقدمہ70سال سےایل اوسی پرلڑرہی ہے جبکہ کشمیرپرفوج یاکوئی اورادارہ سمجھوتہ نہیں کرسکتا ہے۔

آصف غفور نے کہا  کرتارپورراہداری کامسئلہ کشمیرسےتعلق نہیں ہے،بھارت سےآنےوالےیاتری صرف کرتارپورتک محدودرہیں گےاوردرشن کرکےسکھ یاتری اسی دن واپس جائیں گے لیکن پاکستان میں داخلےکی اجازت نہیں ہوگی اورسکھ یاتریوں کی پاکستان میں انٹری قانون کےمطابق ہوگی۔

واضح رہے کہ اسلام آباد کے ایچ 9 گراؤنڈ میں جے یو آئی (ف) کا حکومت مخالف آزادی مارچ گزشتہ کئی روز سے جاری ہے جس میں جمیعت علمائے اسلام (ف) کو دیگر اپوزیشن جماعتوں کی حمایت بھی حاصل ہے۔

اپوزیشن جماعتوں کی جانب سے مطالبہ کیا جارہا ہے کہ وزیر اعظم عمران خان مستعفی ہوں اور فوج کے کردار کے بغیر نئے انتخابات کرائے جائیں۔