غیر قانونی طور پر ایران میں داخل ہونے والے مزید 57 پاکستانی تارکین وطن  کوایرانی حکام نے  گرفتار کرلیا۔

ایرانی حکام نے گرفتار افراد کو تفتان سرحد پر لیویز حکام کے حوالے کردیا۔

 مذکورہ افراد بہتر روزگار کی تلاش میں ایران کے راستے یورپ جانا چاہتے تھے، زیرحراست افراد کو مزید تحقیقات کے لیے ایف آئی اے کے حوالے کردیا گیاہے۔

واضح رہے کہ اس سے قبل   بھی  غیر قانونی طور پر ایران میں داخل ہونے والے 27 پاکستانی تارکین وطن کو گرفتار کر کے ایرانی حکام نے تفتان سرحد پر لیویز حکام کے حوالے کردیا تھا ۔

اس  سے قبل  رواں برس اکتوبر کے مہینے میں  ایرانی سکیورٹی فورسز نے غیر قانونی طور پر ایران میں داخل ہونے والے 79 پاکستانی تارکین وطن کو گرفتار کرلیا تھا۔

جنہیں بعد ازاں ایرانی سرحدی انتظامیہ نے چاغی سے ملحق تفتان سرحد پر ڈی پورٹ کرکے مقامی لیویز حکام کے حوالے کردیا تھا۔

