چیف جسٹس آ صف سعید کھوسہ کہتے ہیں کہ عدالتی نظام میں اسٹاف ریڑھ کی ہڈی کی مانند ہے اسٹاف کے بغیر انصاف کی فراہمی کا ٹاسک پورا نہیں کیا جا سکتا ہے۔

سپریم کورٹ اسٹاف کی جانب چیف جسٹس پاکستان آ صف سعید کھوسہ کے اعزاز میں الوداعی تقریب کا انعقاد کیا گیا۔

تقریب میں سپریم کورٹ کے  افسران کی جانب سے  چیف جسٹس کا شکریہ ادا کیا اور  انہیں تحائف  بھی دئیے گئے۔

تقریب سے چیف جسٹس پاکستان نے خطاب کرتے ہوئے کہا کہ کسی بھی ادارے کی کار کردگی میں سٹاف کی اہمیت سے انکار نہیں کیا جا سکتا ہے۔

اسٹاف کے تعاون کے بغیر انصاف کی فراہمی جیسا مشکل ٹاسک مکمل نہیں کیا جاسکتا چیف جسٹس کا کہنا تھا کہ اپنے عہدے کی معیاد کے دوران سٹاف کی کارکردگی کو خود مانیٹر کیا چیف جسٹس نے کہا کہ عدالتی نظام کی اچھی کارکردگی کے باعث ہی ادارے نے اچھے نتائج دئیے ،امید ہے  سٹاف آ ئیندہ بھی دلجوئی سے کام جاری رکھے گا ،سپریم کورٹ کے  افسران نے بھی چیف جسٹس کا شکریہ ادا کیا اور  انہیں تحائف دئیے گئے۔

یاد رہے کہ چیف جسٹس آصف سعیدخان کھوسہ کے اعزاز میں فل کورٹ ریفرنس 20 دسمبر کو ہوگا۔

چیف جسٹس آصف سعید کھوسہ کے اعزاز میں فل کورٹ ریفرنس 20 دسمبرکوکورٹ روم نمبر ایک میں ہوگا، چیف جسٹس آصف سعید خان کھوسہ 20 دسمبر کو اپنے عہدے سے سبکدوش ہوجائینگے انکی ریٹائرمنٹ کے وقت دیے جانے والے فل کورٹ اجلاس میں سپریم کورٹ کے تمام ججزشرکت کریں گے جبکہ نو منتخب چیف جسٹس 21 دسمبر 2019 کو چیف جسٹس پاکستان کے عہدے کا حلف لیں گے۔

فل کورٹ ریفرنس سے چیف جسٹس آ صف سعید کھوسہ، نامزد چیف جسٹس گلزاراحمد سمیت اٹارنی جنرل انورمنصور اور بار کے نمائندے بھی خطاب کریں گے۔