آرمی چیف قمر جاوید باجوہ نے کہا ہے کہ فوج ہی پاکستان کے خلاف کام کرنے والی تمام غیرمتحرک قوتوں کو ناکام بناکر استحکام لائی ہیں۔

آئی ایس پی آر کے مطابق آرمی چیف قمر جاوید باجوہ نے ایس ایس جی ہیڈکواٹرز کا دورہ کیا ہے جس میں جوانوں سے خطاب کرتے ہوئے آرمی چیف نے کمانڈروں کی خدمات کو بھی خوب سراہا۔

COAS visited HQ SSG.
“We have brought stability by failing all inimical forces operating against Pak. We shall never let it go away at any cost. SSG is our pride with myriad contributions towards defence of country through its valiant offrs & sldrs since creation of Pak“, COAS. pic.twitter.com/LWllWM3IOo

— DG ISPR (@OfficialDGISPR) December 18, 2019

انہوں نےاپنے خطاب میں کہا کہ پاک فوج کے قیام کے بعد سے ہی ایس ایس جی اپنے بہادر افسران اور جوانوں کے ذریعہ وطن کے دفاع کے لئے متعدد شراکتوں کے ساتھ ہمارا فخر ہے۔

واضح رہے کہ دو روز قبل آرمی چیف کا کہنا تھا کہ ہم نے بطور قوم دہشت گردی کو شکست دی ہے، ہم نے دہشت گردی کے خلاف جنگ میں طویل سفر طے کیا ہے۔

یاد رہے کہ اس سے قبل آرمی چیف جنرل قمر جاوید باجوہ سے برطانوی ہائی کمشنر نے ملاقات کی تھی جس میں باہمی دلچسپی کے امور پر تبادلہ خیال کیا گیا تھا۔

ملاقات میں افغان امن عمل سمیت خطے کی سیکیورٹی صورتحال پر تبادلہ خیال کیا گیا،امریکی سینیٹر نے امن و استحکام کے لیے پاکستان کی کاوشوں کو سراہا گیا تھا۔

بعدازاں آرمی چیف سےروسی وزیرصنعت وتجارت نے بھی ملاقات کی تھی جس میں باہمی تعلقات کو مزید وسعت واستحکام دینے پر اتفاق کیا گیا تھا، آئی ایس پی آر کا کہنا تھا کہ ملاقات میں خطے میں امن و استحکام، اقتصادی ترقی کیلئے کوششیں کرنے کےعزم کا اعادہ بھی کیا گیا۔