بھارتی فوج نے لائن آف کنٹرول (ایل او سی) کی ایک مرتبہ پھر لائن آف کنٹرول پر بلا اشتعال فائرنگ کی جس کے باعث  2 شہری شہید جبکہ  2 زخمی ہوگئےہیں ۔

پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق ھارتی فوج نے ایک بار پھر سیز فائر معاہدے کی خلاف ورزی کرتے ہوئے شہری آبادی کو نشانہ بنایا۔

تر جمان آئی  ایس پی آر نے کہا کہ بھارتی فوج کی بلا اشتعال فائرنگ سے شہید ہونے والوں میں 14 سالہ شہریار اور 29 سالہ نوید شامل ہیں جبکہ فائرنگ سے ایک خاتون سمیت 2 افراد زخمی بھی ہوئے۔

پاک فوج کسی بھی بھارتی جارحیت کا منہ توڑ جواب دے گی، ڈی جی آئی ایس پی آر

پاک فوج کے شعبہ تعلقات عامہ کے مطابق  پاکستانی فوج کی مؤثر جوابی کارروائی کے نتیجے میں بھارتی فوجی پوسٹ کو نقصان پہنچا اور بھارتی پوسٹ سے لاشوں کو نکالتے ہوئے بھی دیکھا گیا۔

ترجمان آئی ایس پی آر نے مزید کہا کہ  پاکستان اوربھارتی فوج میں فائرنگ کے تبادلے میں پاک فوج کے 3 جوان زخمی بھی ہوئے۔

واضح رہے کہ بھارتی فوج کے سربراہ جنرل بپن راوت نے گزشتہ دن اپنے ایک بیان میں کہا تھا کہ مقبوضہ کشمیر میں لائن آف کنٹرول پر صورتحال کسی وقت بھی سنگین ہو سکتی ہے۔

اس کے بعد بھارت کی جانب سے سرحدوں پر غیر معمولی نقل و حرکت بھی بڑھا دی گئی، بھارت نے پاک انڈیا سرحد پر براہموس اور اسپائک میزائل بھی نصب کر دیے ہیں۔

 یاد رہے کہ بھارتی فوج کے سربراہ کے بیان کے بعد آئی ایس پی آر کے ڈائریکٹر جنرل میجر جنرل آصف غفور نے سما جی را بطے کی ویب سائٹ ٹوئٹر پر ایک ٹو ئٹ کر کے کہا تھا کہ بھارتی آرمی چیف کا بیان اشتعال انگیز ہے، بھارتی آرمی چیف کے اشتعال انگیز بیانات کا مقصد اندرونی خلفشار سے توجہ ہٹانا ہے۔