وزیر اعلیٰ پنجاب سردار عثمان بزدار نے بلدیاتی انتخابات کی تاریخ طے کرنے کا حکم دے دیا۔

تفصیلات کے مطابق بلدیاتی انتخابات کی تاریخ کے حوالے سے وزیراعلیٰ پنجاب کے حکم کے بعد صوبائی وزیر قانون، پارلیمانی امور و سوشل ویلفیئر راجہ بشارت کی سربراہی میں کمیٹی تشکیل دے دی ہے۔

کمیٹی کے دیگر ارکان میں صوبائی وزیر خزانہ، چیف سیکرٹری، سیکریٹریز لوکل گورنمنٹ، فنانس، قانون اور ایڈوکیٹ جنرل پنجاب شامل ہیں۔

کمیٹی فوری طور پر اجلاس بلا کر بلدیاتی انتخابات کی تاریخ اور دیگر سفارشات ایک ہفتے کے اندرتجویز کر کے وزیر اعلیٰ کو بھجوائے گی۔