میئر کراچی وسیم اختر کا کہنا ہے کراچی کے مسائل کے حل کے لیے کسی کے ساتھ بھی بیٹھ سکتے ہیں۔

چیئرمین پیپلز پارٹی کی ایم کیو ایم کو سندھ میں وزارتوں کی پیشکش کے حوالے سے میئر کراچی وسیم اختر کا کہنا تھا بطور پارٹی لیڈر بلاول کی قدر کرتا ہوں، سارے اختیارات سندھ حکومت کے پاس ہیں لہذا مسائل کے حل کی ذمہ داری بھی سندھ حکومت کی بنتی ہے۔

کراچی کے مسئلوں پر گفتگو کرتے ہوئے وسیم اختر نے کراچی شہر کے مسائل حل کرنے کی ذمہ داری بھی سندھ حکومت کی بنتی ہے، اور اسی کے پاس سارے اختیارات ہیں، اگر وفاقی حکومت کسی منصوبے میں تاخیر کرتی ہے تو سندھ حکومت اس میں پیسہ لگائے۔

میئر کراچی اور ایم کیو ایم پاکستان کے رہنما وسیم اختر نے کہا ہے کہ مسائل کے حل کے لیے سندھ حکومت کے ساتھ بیٹھ سکتے ہیں۔

انہوں نے کہا کہ ایم کیو ایم نے وفاق میں پاکستان تحریک انصاف (پی ٹی آئی) کے ساتھ اتحاد کرنے کا فیصلہ بھی کراچی کے مسئلوں کو حل کرنے کے لیے کیا تھا۔

وسیم اختر کا یہ بھی کہنا تھا کہ ان کی پارٹی نے کبھی بھی وزارتوں پر سیاست نہیں کی ہے۔

کراچی کے مسائل حل نہ ہونے سے تاجر برادری پریشان ہے، وسیم اختر

تحریک انصاف کی حکومت کو آڑے ہاتھوں لیتے ہوئے میئر کراچی نے کہا کہ پی ٹی آئی نے کراچی کا کوئی مسئلہ حل نہیں کیا، اس کی جانب سے ذمہ داری نظر نہیں آئی۔

وسیم اختر نے کہا کہ میں بطور پارٹی لیڈر بلاول بھٹو زرداری کی قدر کرتا ہوں، تاہم سندھ حکومت میں شمولیت کا حتمی فیصلہ ایم کیو ایم کی قیادت کرے گی۔

واضح رہے کہ اس سے قبل راچی میں تقریب سے خطاب کرتےہوئے بلاول کا کہناتھا کہ ایم کیوایم پاکستان کوسندھ حکومت میں شمولیت کی پیشکش کرتاہوں،شہرقائد کی عوام جانتی ہے کہ عمران خان نےانہیں دھوکا دیا، کراچی کوجلد مسائل سے نکالا جائے۔

انہوں نے کہاکہ ہم اپنےلوگوں کوسہولتیں فراہم کرتےہیں،ہم نے پرائیویٹ سیکٹر کے ساتھ مل کر کام کیا ہے، اب بھی صوبےکےلوگوں کےلئےصحت،تعلیم اوردیگرمعاملات پر کام کررہےہیں۔

بلاول کاکہناتھا کہ بےنظیراِنکم سپورٹ پروگرام سے8لاکھ لوگوں کونکالنےپرتشویش ہے، حکومت کے اقدامات غریب دشمنی کی مثال ہیں۔