شیخ رشید نے کہا 3 ماہ میں مہنگائی کنٹرول ہوگی ،بجلی،گیس کے بل ٹھیک ہو جائیں گے ۔ 

تفصیلات کے مطابق وفاقی وزیر ریلوے شیخ رشید نے سرگودھا روانگی سے قبل میڈیا سے گفتگو  کرتے ہوئے کہا کہ ریلوے کا خسارہ 3سال میں پورا کریں گے، حکومت گرانے کیلئےغیرجمہوری زبانیں استعمال کی جارہی ہیں، ملک اب بہتری کی طرف جائے گا اور 3ماہ میں مہنگائی کم ہوگی ،بجلی، گیس کے بل ٹھیک ہو جائیں گے۔

ذرائع کے مطابق شیخ رشید نے کہا کہ  ایک سے16گر یڈ ملازمین کی مراعات کیلئےوزیر اعظم سے بات کروں گا، رائیونڈ سے بھی ٹرین چلانےکافیصلہ کیا ہے، سرگودھا ڈویژن سے ٹرین آج چلائی جائے گی۔

راولپنڈی میں دوسو کنال پر سب سے بڑا اسپتال بنا رہے ہیں،شیخ رشید 

وزیر ریلوے کا کہنا ہے کہ اچھی بات ہے کہ عدلیہ نے بہتر اقدا م لئے اور زرداری کی ضمانت ہوئی ہے ، مریم اورفریال کےباہرجانے کے لئے حالات سازگار نہیں دیکھ رہا۔

وفاقی وزیر کے مطابق نیب کی ریکوری آنے والی ہے، بلاول 18 سال کے تھے، جب وہ 5کمپنیوں کے ڈائریکٹر تھے، نیب سے اچھی خبریں آئیں گی اور پیسہ بھی واپس آئے گا۔

بھارت کے حوالے سے وفاقی وزیر ریلوے نے کہا کہ ہٹلر مودی نے بھارت میں مسلمانوں کا جینا دوبھر کردیاہے، بھارت کے مسلمان پوری دنیا کی طرف دیکھ رہے ہیں، بھارت کے تمام مسلمانوں کو گھیرا جارہا ہے۔

واضح رہے کہ وزیرریلوے شیخ رشید نے گزشتہ روز کہا تھا کہ ملکی حالات ایسے ہیں کہ ٹینشن کم کرنے کی ضرورت ہے،عوام مہنگائی میں پس رہے ہیں،بجلی گیس کے بل عوام کی پہنچ سے باہر ہوتے جارہے ہیں۔