حکومت پنجاب میں انتظامیوں تبدیلیوں کے بعد سیاسی تبدیلیوں کا آغازہوگیا، پاکستان تحریک انصاف کےرہنما فیاض الحسن چوہان کو دوبارہ وزیراطلاعات بنا دیا گیا۔

تفصیلات کے مطابق میاں اسلم اقبال کی جانب سے اطلاعات کی اضافی ذمہ داریوں سے معذرت کے بعد فیاض چوہان کو ذمہ داری دے دی گئی۔

خیال رہے کہ فیاض الحسن چوہان کو اس سال پانچ مارچ کو ایک متنازع بیان پر وزیر اطلاعات کے منصب سے ہٹا دیا گیا تھا۔

یاد رہے کہ فیاض الحسن چوہان کو پانچ جولائی کو دوبارہ وزیر بناکر کالونیز کا چارج دیا گیا۔ انہیں کالونیز کی وزارت کے ساتھ اطلاعات کا اضافی چارج دیا گیا۔