وزیراعظم عمران خان نےبھارت میں مسلم مخالف نیا متنازع قانون سے متعلق کہاہے کہ فاشٹ مودی حکومت منصوبے کےتحت پروپیگنڈہ کررہی ہے، بھارتی متنازع بل آر ایس ایس ہندو راشٹریہ کے توسیعی منصوبے کا حصہ ہے۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹویٹر پر پیغام دیتے ہوئے کہاکہ متنازع بل پر قانون سازی دو طرفہ معاہدوں کی خلاف ورزی ہے۔

وزیراعظم عمران خان نےبھارتی لوک سبھا میں شہریت کے متنازع بل کی بھرپور مذمت کرتے ہوئےکہاکہ متنازع بل انسانی حقوق کی مکمل خلاف ورزی ہے۔

We strongly condemn Indian Lok Sabha citizenship legislation which violates all norms of int human rights law & bilateral agreements with Pak. It is part of the RSS "Hindu Rashtra" design of expansionism propagated by the fascist Modi Govt. https://www.bolnews.com/urdu/pakistan/2019/12/608420/amp/

Advertisement

— Imran Khan (@ImranKhanPTI) December 10, 2019

واضح رہے کہ بھارتی لوک سبھا نے متنازع شہریت کے ترمیمی بل کی منظوری دے دی ہے جس کے تحت مسلمانوں کے سوا ہمسایہ ممالک سے نقل مکانی کرکے بھارت میں بسنے والی اقلیتوں کو شہریت کاحق دیاگیاہے۔

بھارتی لوگ سبھا کےتین سوگیارہ ارکان نے بل کے حق میں جبکہ اکاسی ارکان نے اس کی مخالفت میں ووٹ دیا جبکہ کانگریس  کے سیاسی رہنمائوں اوردیگرمقامات پراحتجاج کرنے والوں کا کہنا ہے کہ یہ بل مسلمانوں کے خلاف غیرمنصفانہ برتاوکی عکاسی کرتا ہے اورساتھ ساتھ  بھارت کے سیکولرآئین کی بھی خلاف ورزی ہے۔

پیرکو جاری کئے گئے ایک بیان میں ایک ہزار سے زائد سائنسدانوں اوردانشوروں کے گروپ نے بل فوری طورپر واپس لینے کامطالبہ کیا۔

 متنازع شہریت کے ترمیمی بل  کی منظوری کے بعد امریکا سمیت دنیا کے مختلف حصوں اور خود بھارت کے اندربھی شدیدمظاہرے جاری ہیں۔

واضح رہےکہ بھارتی پارلیمنٹ کے ایوانِ زیریں میں وزیرِداخلہ امیت شاہ کی جانب سے ایک بل پیش کیا گیا جس کے تحت پاکستان ، بنگلہ دیش اور افغانستان سے بھارت جانے والے غیر مسلموں کو شہریت دی جائے گی ہے لیکن مسلمانوں کو نہیں۔