کوئٹہ  میں سیٹلائٹ ٹاون  کے علاقے اسحاق آباد  میں واقع مدرسہ دارالعلوم الشرعیہ میں نماز کے دوران  زور دار دھماکے کے نتیجے میں ڈی ایس پی سمیت 12 افراد شہید  اور 21 افراد زخمی ہوگئے۔

 پولیس کے مطابق  دھماکہ نماز کے دوران ہوا جس میں مسجد کے امام اور  ڈی ایس پی امان اللہ بھی شہید ہوئے، دھماکے میں  زخمی ہونے والے افراد کو سول اسپتال منتقل کیا جا رہا ہے۔

قانون نافذ  کرنے والے اداروں  نے علاقے  کو گھیرے  میں لے  لیا ہے۔ اور ہر طرح کی آمد و رفت پہ پابندی عائد کر دی ہے۔

پولیس حکام  کے مطابق  دھماکے کی نوعیت کا تعین  کیا جا رہا ہے۔

وزیراعلی بلوچستان جام میر کمال خان  نے کوئٹہ دھماکے کی شدید الفاظ میں مذمت کرتے ہوئے واقعہ کی  رپورٹ طلب کرلی۔

وزیر اعلی نے  دھماکے  میں شہید ہونے افراد کے لواحقین سے تعزیت  کا اظہار کیا اور زخمیوں کو بہتریں طبی سہولیات فراہم کرنے کی ہدایت بھی جاری کردیں۔

واضح رہے کے اس سے قبل  ڈی ایس پی امن اللہ  کے بیٹے نجیب اللہ کو ایک ماہ قبل سریاب روڈ پر فائرنگ کرکے شہید کردیا گیا تھا۔