وزیراعلیٰ پنجاب سردار عثمان بزدار کی زیرصدارت اجلاس ہوا ، جس میں ٹرین کے کرائے کے حوالے سے بھی تجاویز پر غور کیا گیا۔

اجلاس میں لاہور اورنج لائن میٹرو ٹرین کے   مینٹینس    اینڈ آپریشنل کنٹریکٹ کے حوالے سے امور کا جائزہ لیا گیا جبکہ سیکرٹری ٹرانسپورٹ کی منصوبے کے  مینیٹنس اینڈ آپریشنل کنٹریکٹ اور دیگر امور کے بارے میں بریفنگ دی۔

کرائے کی حتمی منظوری پنجاب کابینہ کے اجلاس میں دی جائے گی جبکہ ٹرین کا کرایہ عام آدمی کی پہنچ میں رکھا جائے گا۔

وزیراعلیٰ  پنجاب نے  منصوبے کو عوام کیلئے جلد سے جلد آپریشنل کرنے کی ہدایت کرتے ہوئے کہا کہ ٹرین کے روٹ کے نیچے سڑکوں کی تعمیر ومرمت کا کام جلد مکمل کیا جائے۔

وزیراعلیٰ پنجاب سردار عثمان بزدار  نے مزید کہا کہ روٹ کے نیچے سڑکوں پرٹریفک کے مسائل کو بھی فی الفور حل کرنے کیلئے اقدامات کیے جائیں جبکہ عوام کی مشکلات کے ازالے کے لئے ٹریفک مینجمنٹ پر بھرپور توجہ دی جائے۔

ریلوے انتظامیہ کا یوم قائداعظم پرسپیشل ٹرین چلانے کا فیصلہ

اجلاس کے شرکاء نے کرائے کے حوالے سے ا پنی آراء پیش کیں کرتے ہوئے کہا کہ ٹرین کے سیفٹی ٹیسٹ کامیابی سے ہو رہے ہیں۔

وزیراعلی کو بریفنگ دیتے ہوئے کہا گیا  کہ 27.1کلومیٹر طویل روٹ پر 26سٹیشن بنائے گئے ہیں   ، ٹرین کے 27سیٹ پر تقریباً 2لاکھ 45ہزار مسافر روزانہ سفر کریں گے جبکہ ڈیرہ گجراں سے علی ٹاؤن تک کا سفر 45منٹ میں طے ہوگا۔

صوبائی وزیر قانون راجہ بشارت، صوبائی وزیر ٹرانسپورٹ جہانزیب خان کھچی،چیف سیکرٹری،چیئرمین منصوبہ بندی و ترقیات، ایم ڈی پنجاب ماس ٹرانزٹ اتھارٹی، سیکرٹریز ٹرانسپورٹ وخزانہ، پرنسپل سیکرٹری وزیراعلیٰ،سیکرٹری وزیراعلیٰ کوآرڈینیشن،سپیشل مانیٹرنگ یونٹ کے سربرا ہ اور متعلقہ حکام کی اجلاس میں شرکت کی ۔