کمشنر کراچی نے یہ فیصلہ کیا ہے کہ شہر قائد میں شادی کی تقریبات رات 11 بجے ختم کردی جائیں۔

تفصیلات کے مطابق یہ اہم فیصلہ کمشنر کراچی کی زیر صدارت ہونے والے اجلاس میں کیا گیا، اس موقع پر ڈپٹی کمشنرز اور بلدیاتی افسران بھی موجود تھے۔

اجلاس میں شادی ہالز میں ہونے والی تقریبات سے پیدا ہونے ٹریفک کے دباؤ کو دور کرنے سے متعلق اقدامات پر غور کیا گیا۔

کمشنر کراچی نے کہا کہ جو شادی ہال یا مالکان وقت کی پابندی نہیں کریں گے، دو ہفتے بعد ان کے ہال سیل کردیے جائیں گے۔

اعلان میں یہ بھی کہا گیا کہ پابندی پر سختی سے عمل کروایا جائے جبکہ خلاف ورزی پر کارروائی ہوگی۔

کراچی میں اگر کسی شادی میں جانا ہو تو لوگ عموماً نکلتے ہی 11 بجے ہیں، پر اب یہ سستی نہیں چلے گی کیونکہ کمشنر کراچی نے رات گیارہ بجے کے بعد شادی ہالز میں تقریبات پر پابندی کا فیصلہ سنا دیا ہے۔

کمشنر کراچی کا کہنا تھا کہ مہم کی تفصیلات کو حتمی شکل دینے کے لیے اگلے ہفتہ پھر اجلاس ہوگا، شادی ہالز کو دو ہفتہ کا وقت دیا جارہا ہے۔