قومی اسمبلی کے اجلاس میں علاقائی زبانوں کو قومی زبانیں قرار دینے کا بل پیش کیا گیا، یہ بل مسلم لیگ ن کے رکن کھیئل داس کوہستانی نے پیش کیا۔
تفصیلات کے مطابق اجلا میں علی محمد خان نے کہا کہ قومی زبان تو اردو ہے، وفاقی حکومت دیگر زبانوں کی ترویج کے لئے کام کررہی ہے اور بل کمیٹی کو بھیج دیا جائے اگر دیگر زبانوں کو قومی زبانیں ثابت کردیتے ہیں تو بل منظور ہوجائے گا۔
یاد رہے کہ آج کا قومی اسمبلی کا اجلاس پینل آف چیئرسید فخر امام کی سربراہی میں ہوا۔

شراب پی کر غل غپاڑہ کرنے کے خلاف سزاؤں میں اضافے کا بل پیش

اسی اجلاس میں آرمی، ائیر فورس اور نیوی ایکٹس میں ترامیمی بلز سینیٹ کی قائمہ کمیٹی برائے دفاع سے بھی منظور کرلیے گئے۔
قومی اسمبلی میں ترمیمی بلز کی بھاری اکثریت سے منظوری کے بعد بلز کو سینیٹ کی قائمہ کمیٹی برائے دفاع کے سامنے پیش کیا گیا۔
سینیٹ اجلاس میں معمول کی کارروائی معطل کرکے وفاقی وزیر اعظم سواتی نے آرمی ایکٹ، ائیر فورس ایکٹ اور نیوی ایکٹ میں ترمیم کے بلز پیش کیے جنہیں متعلقہ قائمہ کمیٹیوں کے سپرد کر دیا گیا۔
بعد ازاں سینیٹ کی قائمہ کمیٹی برائے دفاع کا اجلاس سینیٹر ولید اقبال کی زیر صدارت ہوا جس میں آرمی، ائیر فورس اور نیوی ایکٹ کے ترمیمی بلز زیر غور آئے اور کمیٹی نے بلز منظور کر لیے۔