فضائیہ کے سربراہ ایئر چیف مارشل مجاہدانورخان نے بحرین کے فرمانروااحمدبن عیسیٰ الخلیفہ سے بحرین میں ملاقات کی۔

ملاقات میں شاہ حمد نے پاکستان اوربحرین کے درمیان برادرانہ تعلقات اور دوطرفہ تعاون پر اطمینان کااظہارکیا۔

 انہوں نے دفاع اورخصوصاً فضائیہ کے شعبے میں پاکستان کے ساتھ تعاون کومزید بڑھانے میں بحرین کی دلچسپی کا اظہارکیا۔

اس سے پہلے فضائیہ کے سربراہ نے جنرل شیخ محمدعیسیٰ بن سلمان الخلیفہ، نیشنل گارڈ کے کمانڈر اور بحرین کی دفاعی فورس کے چیف آف سٹاف جنرل  بن سقرالنعیمی سے بھی ملاقات کی۔

فضائیہ کے سربراہ نے بحرین کی شاہی فضائیہ کے کمانڈرمیجرجنرل شیخ حمدبن عبداللہ الخلیفہ سے بھی ملاقات کی۔ فضائیہ کے سربراہ نے فوجی تربیت اورہوابازی کے شعبے میں بحرین کی فضائیہ کو تعاون کی پیشکش کی۔

دونوں شخصیات نے دونوں ملکوں کی فضائیہ کے درمیان موجودہ دوستانہ تعلقات کومزید فروغ دینے کا عادہ کیا۔

واضح رہے کہ  16 دسمبر کو پاکستانی وزیر اعظم عمران خان نے بحرین کے قومی دن میں شاہ حماد کی دعوت پر مہمان خصوصی کے طور پر شرکت کی تھی جس میں شاہ حماد نے وزیر اعظم خان کو بحرین کی اعلی ترین شہری شناخت سے بھی نوازا گیا تھا۔