فردوس عاشق اعوان کی میڈیا سے گفتگو میں کہنا تھا کہ سیاسی محاذ پر سیاسی انداز میں گفتگو جمہوریت کا حسن ہے لیکن جہاں ہم غلطی کریں تو اپوزیشن نشاندہی کرے اور ہم ملکی مفاد میں اپوزیشن کی تجاویز کو ویلکم کرینگے۔

سینیٹ سے بلز کی منظوری کے بعد وزیرِاعظم کی معاون خصوصی برائے اطلاعات فردوس عاشق اعوان، سینیٹر شبلی فراز اور سینیٹر فیصل جاوید نے میڈیا سے مشترکا گفتگو کی۔

فردوس عاشق اعوان نے کہا کہ پارلیمنٹ میں قانون سازی کسی ایک شخص کے لیے نہیں تھی بلکہ سپریم کورٹ کی ہدایات اور حکم کی روشنی میں قانون سازی کی گئی، سپریم کورٹ کی گائیڈ لائنز کو عملی جامہ پہنا کر قانونی سقم دور کردیا گیا لیکن پاکستان کے مفاد میں ہم سب ملکر فیصلے کرینگے۔

معاون خصوصی ڈکٹر فعدوس عاشق اعوان نے کہا ہے کہ آج پارلیمنٹ اور میڈیا مبارکباد کے مستحق ہیں کیونکہ آج جمہوری عمل مکمل ہوا ہے۔

آرمی ایکٹ ترمیمی بل سینیٹ سےکثرت رائے سے منظور

انکا کہنا تھا کہ آج پارلیمنٹ نے پاکستان کے اصل چہرہ کو اجاگر کیا ہے کیونکہ ملک کے مفاد میں تمام سیاسی جماعتوں نے پختگی ہے ساتھ قانون سازی کی جبکہ خطے کی صورتحال کو سامنے رکھتے ہوئے تمام سیاسی جماعتوں نے پاکستان کے دفاع کو مضبوط کیا ہے۔

انہوں نے کہا کہ مشکل وقت میں جب بھی چیلنج آتا ہے تو سب یکجا ہوکر ملک دشمنوں کو جواب دیا جاتا ہے اور باقی ایشوز پر بھی مفاہمت کے ساتھ آگے بڑھیں گے۔

سینیٹر شبلی فراز نے کہا کہ چند جماعتوں کے علاوہ سب نے قانون منظور کیا، قانونی سقم پارلیمنٹ نے دور کردیا۔

انہوں نے امید ظاہر کی کہ دیگر بلوں پر بھی تعاون کیا جائے گا، ملک کو درپیش مشکلات کا حل پارلیمنٹ میں ہے۔

پی ٹی آئی رہنما نے یہ بھی کہا کہ سروسز ترمیمی ایکٹ بلڈوز کرنے کی بات درست نہیں، کمیٹی نے متفقہ طور پر بل منظور کیا۔

فیصل جاوید نے کہا کہ سینیٹ سے کثرتِ رائے سے سروسز ترمیمی ایکٹ پاس ہونا اصل کامیابی ہے، امید ہے حزب اختلاف آگے بھی تعمیری اپوزیشن کرتی رہے گی۔

ان کا کہنا تھا کہ یہ انتہائی قومی مفاد کی قانون سازی تھی، حکومت کی اصل کامیابی آج ہوگئی، 2020ء کا بہت اچھا آغاز ہوا ہے، آگے مل کر قانون سازی کرنی ہے۔

پی ٹی آئی سینیٹر نے مزید کہا کہ زینب الرٹ بل کافی موخر ہوا، امید ہے اب کمیٹی سے پاس ہوجائےگا۔