پاکستان ریلوے نے 2019 میں ریکارڈ منافع کما لیا ہے۔

تفصیلات کے مطابق قبل ازیں ڈویژنل سپرنٹنڈنٹ ریلوے سید منور شاہ نے کہا تھا کہ ملک کی تاریخ میں پہلی بار، پاکستان ریلوے  منافع کمانے والا ادارہ بن گیا ہے۔

انہوں نے وزیر پاکستان ریلوے کا منافع کمانے والا ادارہ بن جانے کی تعریف بھی کی۔

یاد رہے کہ وفاقی وزیر ریلوے شیخ رشید نے بھی وزیر اعظم سے ریلوے کے تمام کارکنوں کے گریڈ، ایک سے 16 تک کے گریڈ میں اضافے کی درخواست کی۔

وفاقی وزیر ریلوے نے کہا ان میں سے ہر ایک کو ایک عہدے پر ترقی دی جائے گی۔

واضح رہے کہ جیسے ہی عدالت کا فیصلہ سامنے آجائے گا ،عارضی ملازمین کو مستقل طور پر مقرر کر لیا جائے۔

اس سے قبلوزیرریلوے شیخ رشید نے کہا تھا کہ ایم ایل ون منصوبے سے سی پیک اور ملکی معیشت کو مظبوطی ملے گی۔

 وزیرریلوے شیخ رشید نے وزیر اعظم عمران خان سے ملاقات کے بعد اپنے ایک ویڈیو پیغام میں کہا تھا  کہ وزیر اعظم نے ایم ایل ون منصوبے کو جلد از جلد مکمل کرنے کی ہدایت کی ہے کیونکہ اس منصوبےسے سی پیک اور ملکی معیشت کو مظبوطی ملے گی۔

شیخ رشید کا کہنا تھا کہ ایم ایل ون کا پی سی ون پلاننگ منسٹری کو بھجوا دیا ہے، چودہ سال بعد اٹھارہ سو کلومیٹر کا نو ارب ڈالر سے زائد کا ٹریک بنایا جارہا ہے۔

وزیرریلوے کا یہ بھی کہنا تھا کہ کل پانچ بجے حکومتی اور رہبر کمیٹی کا اجلاس ہے،اجلاس کے بعد آزادی مارچ کے حوالے سے لائحہ عمل طے ہوگا جبکہ پریڈ گراونڈ میں اپوزیشن کے کو آنے یا نہ آنے کی اجازت کل اجلاس کے بعد دی جائے گی۔

وزیرریلوے شیخ رشید کا مزید کہنا تھا کہ وزیر اعظم عمران خان نواز شریف کی صحت کیلئے دعا گو ہیں، وزیر اعظم نے نواز شریف کو ہر ممکن طبی سہولت فراہم کرنے کی ہدایت وزیر اعلی پنجاب کو کی ہے۔