صدر ڈاکٹر عارف علوی نے کہا ہے کہ پاکستان اومان کے ساتھ اپنے برادرانہ تعلقات کو انتہائی قدر کی نگاہ سے دیکھتا ہے۔

صدرعارف علوی نے اسلام آباد میں اومان کے انڈومنٹ اور مذہبی امور کے وزیر عبد اللہ بن محمد بن عبد اللہ السالمی سے ملاقات کی۔

ملاقات میں صدر نے کہا کہ پاکستان کے اومان کے ساتھ مشترکہ ثقافت’ تاریخ اور ورثے میں دوطرفہ تعلقات اور مضبوط رشتے ہیں۔

انہوں نے مشترکہ مفادات خصوصا تجارت اور سرمایہ کاری کے تمام شعبوں میں دوطرفہ تعلقات کو فروغ دینے کی ضرورت پر بھی زور دیا۔

انہوں نے یہ بھی بتایا کہ پاکستان میڈیسن، انجینئرنگ، انفارمیشن ٹیکنالوجی، اکاؤنٹنسی، تعلیم اور تکنیکی کارکنوں سمیت مختلف شعبوں میں غیر ہنر مند اور انتہائی پیشہ ورانہ افرادی قوت فراہم کرسکتا ہے۔

انہوں نے زور دے کر کہا کہ دونوں ممالک کے متعلقہ محکموں کو طلبہ کے تبادلے کے پروگراموں ، مشترکہ تحقیقی منصوبوں ، پی ایچ ڈی تقسیم کرنے پر توجہ دینی چاہئے۔