سندھ کابینہ میں قلمدانوں میں تبدیلی کا نوٹیفکیشن جاری کردیا گیا ہے۔

تفصیلات کے مطابق سندھ کابینہ میں تبدیلی کے بعد سعید غنی سے محکمہ اطلاعات واپس لے لیا گیا ہے جبکہ سعید غنی کو محکمہ تعلیم اور لیبر کا قلمدان حوالے کردیا گیا ہے۔

جاری کردہ نوٹیفکیشن کے مطابق ناصر شاہ کو محکمہ اطلاعات، بلدیات، مذہبی امور اور جنگلات کی وزراتیں دے دی گئیں ہیں جبکہ سہیل انور سے سیال سے اینٹی کرپشن محکمہ واپس لے لیا گیا ہے۔

سہیل سیال کے پاس زکوٰۃ اور محکمہ آبپاشی کا قلمدان مل گیا ہے اور جام اکرام اللہ دھاریجو کو اینٹی کرپشن کا  اہم قلمدان دے دیا گیا ہے جبکہ جام اکرام اللہ کے پاس محکمہ انڈسٹریز کا قلمدان بھی رہے گا۔

وزیراعظم عمران خان کا کابینہ میں تبدیلیوں کا فیصلہ

ذرائع کا کہنا ہے کہ سندھ کابینہ میں تبدیلی کے بعد بیوروکریسی میں بھی تبدیلی کا امکان ہے۔

اگلے چند دن محکمہ تعلیم، بلدیات، اطلاعات سمیت دیگر محکموں کے سیکریٹریز تبدیل ہونے کا امکان ہے جس کے لئے وزرا نے اپنی پسند کے سکریٹری لگانے کا فیصلہ کرلیا ہے۔