وزیراعلیٰ سندھ مراد علی شاہ نے حکم دیا ہے کہ کراچی میں ٹریفک کی بہتری کے لئے مینجمنٹ میں جو سڑکیں ون وے کرنی ہیں وہ کریں۔

تفصیلات کے مطابق  کراچی میں وزیراعلیٰ مراد علی شاہ کی زیر صدارت ٹریفک کی صورتحال پر اجلاس ہوا۔

اجلاس میں وزیر بلدیات ناصر شاہ، مشیر قانون مرتضیٰ وہاب، پرنسپل سیکریٹری ساجد جمال ابڑو، کمشنر کراچی افتخار شہلوانی، ایڈیشنل آئی جی پولیس غلام نبی میمن، ڈی آئی جی ٹریفک پولیس، پی ڈی کراچی پیکج خالد مسرور اور دیگر متعلقہ افسران شریک رہے۔

وزیراعلیٰ سندھ نے کہا کہ کوئی ایک روڈ ون وے نہ کیا جائے مکمل ٹریفک مینجمنٹ پیکج دیا جائے، میٹروپول،شاہین کمپلیکس،آئی آئی چندریگر روڈ، کلفٹن برج پر رش رہتا ہے اس لئے مینجمنٹ میں جو سڑکیں ون وے کرنی ہیں وہ کریں۔

حکومت نے سوشل میڈیا قوانین میں تبدیلی کردی

کمشنر کراچی نے بریفنگدیتے ہوئے بتایا کہ اہم ہوٹل اور کراچی جیم خانہ کلب روڈ پر موجود ہیں جس کو ہم نے ون وے ٹریفک کیلئے کیا ہے۔

اجلاس میں وزیراعلیٰ سندھ نے کہا ہے کہ میں چاہتا ہوں کہ کوئی ایک روڈ ون وے نہ کیا جائے بلکہ مکمل ٹریفک مینجمنٹ کا پیکج دیا جائے۔

اجلاس کے دوران ہدایت کی ہے کہ مجھے صدر سے آنے والی ٹریفک، شاہراہ فیصل سے آنے والی ٹریفک اور کلفٹن کو آنے اور جانے والی ٹریفک ریگیولیٹ کرکے ہموار کر کے دیں۔

دوسری جانب وزیراعلیٰ سندھ سید مراد علی شاہ کی صدات میں نہر خیام کی ترقی سے متعلق اہم اجلاس ہوا۔

اجلاس میں وزیر بلدیات ناصر شاہ، مشیر قانون مرتضیٰ وہاب، میئر کراچی وسیم اختر، ماہرین فن تعمیر حمیر سومرو، عبداللہ، یوسف جمیل، سیکریٹری بلدیات روشن شیخ و دیگر شریک رہے۔

وزیراعلیٰ سندھ مراد علی شاہ نے اجلاس میں کہا کہ حکومت سندھ نے بڑی جدوجہد کے بعد نہر خیام پارک معاہدہ کرکے ترقی، بحالی اور مینجمنٹ آف نہر خیام پروجیکٹ کے حوالے کیا ہے۔

وزیراعلیٰ سندھ نے ماہرین فن تعمیر حمیر سومرو اور شاہد عبداللہ اور دیگر کا شکریہ ادا کیا کہ وہ شہر کی ترقی میں سندھ حکومت کا ساتھ دے رہے ہیں۔

نہر خیام کو سوپنے کا معاہدہ پر میئر کراچی وسیم اختر، ماہر فن تعمیر شاہد عبداللہ، سیکریٹی بلدیات روشن شیخ اور ایم ڈی واٹر بورڈ نے دستخط کیے، وزیراعلیٰ سندھ اور وزیر بلدیات اس موقع پر موجود تھے۔

ترجمان وزیراعلیٰ سندھ کے مطابق نہر خیام کے دستخط والے معاہدے کی تقریب وزیراعلیٰ ہائوس میں ہوئی۔