گورنر سندھ عمران اسماعیل  نے کہا ہے کہ صحافی  عزیز میمن کے قاتلوں  کو کیفر کردار تک پہنچائیں گے۔

کراچی میں میڈیا سے گفتگو کرتے ہوئے گورنر سندھ عمران اسماعیل کا کہنا تھا صحافی  عزیز میمن کے قاتلوں  کو کیفر کردار تک پہنچائیں گے۔

انہوں نے کہا کہ عزیز میمن کے قتل پر آئی جی سندھ  ڈاکٹر کلیم امام آج مجھے رپورٹ  پیش کریں گے۔رپورٹ میں کچھ حساس معلومات ہیں۔

گورنر سندھ نے کہا کہ صحافیوں  کی مالی مشکلات پر قابو پانے کی ضرورت ہے۔وزارت اطلاعات کو میڈیا مالکان پر تنخواہوں کی عدم  ادائیگی پر جرمانہ کرنا چاہیے۔

صحافی عزیز میمن کا قتل، 72 گھنٹوں میں رپورٹ طلب

عمران اسماعیل کا کہنا تھا کہ کچھ ایسے واقعات ہوتے ہیں جس سے عالمی سطح پر شرمندگی ہوتی ہے۔

سوشل میڈیا قوانین میں تبدیلی کے حوالے سے ان کا کہنا تھا کہ خواتین کو ہراساں اور لوگوں کو سوشل میڈیا پر بلیک میل کیا جارہا ہے۔

گورنر سندھ نے کہا کہ دنیا بھر میں سوشل میڈیا کو کنٹرول کیا جاتا ہے،سوشل میڈیا کے لئے ضابطہ اخلاق بھی ہونا چائے۔