وفاق کی جانب سے ائی جی سندھ کی تبدیلی کے لئے مشتاق مہر کے نام پر اتفاق کرلیا گیا ہے۔

تفصیلات کے مطابق وفاقی اسلام آباد میں وزیراعظم ہاأس میں وزیراعظم عمران خان اور گورنر سندھ کی ون آن ون ملاقات میں حکومت نے آئی جی سندھ کلیم امام کو تبدیل کر کے مشتاق مہر کو آئی جی بنانے کا فیصلہ کر لیا ہے۔

 وزیراعظم عمران خان اور گورنر سندھ کی ملاقات میں آئی جی سندھ کلیم امام کو ہٹانے اور نئے آئی جی کے لئے چند ناموں کی فہرست تیار کرلی گئی جس میں سے مشتاق مہر کا نام سرفہرست کیا گیا ہے۔

ملاقات میں صوبے کی سیاسی اور امن و امان کی صورتحال پر بات چیت کی گئی جبکہ  گورنر سندھ نے ایم کیو ایم سے مزاکرات کے بارے میں وزیراعظم کو آگاہ کیا۔

گورنر سندھ نے کہا کہ ایم کیو ایم سے ملاقات خوشگوار ماحول میں ہوئی جبکہ  وزیراعظم اور کابینہ کے فیصلے کے مطابق وزیراعلیٰ سندھ سے بات  بھی کی ہے۔

وزیراعظم نے گورنر سندھ عمران اسماعیل سے ملاقات میں کہا کہ اتحادیوں سے کیے وعدے پورے کریں گے۔

گورنر اور وزیر اعلی مل بیٹھ کر آئی جی سندھ کا معاملہ حل کریں،کابینہ اجلاس میں فیصلہ

واضح رہے اس سے قبل بھی وزیراعظم عمران خان کی  زیر صدارت کا بینہ کا اجلا س ہوا تھا جس میں میں ملکی سیاسی اور معاشی صورتحال کا بھی جائزہ لیا گیا  تھا ۔

 کابینہ اجلاس میں فیصلہ کیا گیا  تھا  کہ گورنر اور وزیر اعلی مل بیٹھ کر آئی جی سندھ کا معاملہ حل کریں۔

 وفاقی کابینہ نے آئی جی سندھ کا معاملہ گورنر اور وزیر اعلیٰ سندھ کے سپرد کردیا تھا ۔

دوسری جانب گورنر سندھ عمران اسماعیل نے وزیر خارجہ شاہ محمود قریشی سے بھی ملاقات کی ۔

وزیر خارجہ شاہ محمود قریشی سے ہو نے والی ملاقات میں ملک کی سیاسی صورتحال پر تبادلہ خیال کیا گیا۔