چین میں پاکستانی طلبہ کو وائرس سے بچانے کیلئے اقدامات کر رہے ہیں، ڈاکٹرظفرمرزا
وزیر اعظم کے معاون خصوصی برائے صحت ڈاکٹر ظفر مرزا نے کہا ہے کہ چین میں پاکستانی طلبہ کو وائرس سے بچانے کیلئے تمام تر ضروری اقدامات کئے جا رہے ہیں۔
تفصیلات کے مطابق وزیر اعظم کے معاون خصوصی برائے صحت ڈاکٹر ظفر مرزا نے اپنے ایک بیان میں کہا کہ کورونا وائرس تیزی سے دوسرے ممالک میں پھیلتا جا رہا ہے، اس صورتحال کے پیش نظر حکومت ملک کو کورونا وائرس سے محفوظ رکھنے کیلئے تمام تر احتیاطی تدابیر اختیار کر رہی ہے۔
ڈاکٹر ظفر مرزا نے کہا کہ ووہان میں پاکستان کے علاوہ دوسرے ممالک کے بھی بہت لوگ مقیم ہیں، ہم چین کے قوانین کو فالو کر رہے ہیں اور حکومت نے جو فیصلے کئے ہیں وہ عوام کے مفاد میں کئے ہیں۔
انہوں نے یہ بھی کہا کہ حکومت مسلسل چینی حکومت کے ساتھ رابطے میں ہے، چین میں مقیم پاکستانی طلبہ کی صحت سمیت ہر طرح کی دیکھ بحال کی جا رہی ہے۔
ڈاکٹر ظفر کا کہنا تھا کہ بعض جگہوں سے شکایات موصول ہوئی تھیں تاہم چینی حکومت نے یقین دہانی کرائی ہے کہ وہ طلبہ کو تمام تر سہولیات کی فراہمی یقینی بنائی گی۔
انہوں کا یہ بھی کہنا کہ حکومت بھی ووہان میں مقیم طلبہ کے بارے اتنی ہی فکر مند ہے جتنے ان کے والدین ہیں، طلبہ کو بھی چاہیے کہ وہ احتیاطی تدابیر اپنائیں۔
کراچی میں کرونا وائرس کے مشتبہ کیس کی رپورٹ منفی آ گئی
وزیر اعظم کے معاون خصوصی برائے صحت ڈاکٹر ظفر مرزا کا مزید کہنا تھا کہ حکومت پاکستان کو کورونا وائرس سے محفوظ رکھنے کیلئے موجودہ صورتحال کا قریب سے جائزہ لے رہی ہے اور اس حوالے سے تیزی کے ساتھ اقدامات اٹھا رہی ہے۔
واضح رہے اس سے قبل بھی صحت کے بارے میں وزیراعظم کے معاون خصوصی ڈاکٹرظفرمرزا نے سماجی رابطے کی ویب سائٹ ٹویٹر پر اپنے ایک پیغام میں کہا کہ ہم پاکستان کو محفوظ رکھنے کے لئے فوری اقدامات کر رہے ہیں۔
ڈاکٹرظفرمرزا نے کہا تھا کہ حکومت چوکس ہے اور ایران میں کورونا وائرس نمودار ہونے کی صورتحال پر قریبی نظر رکھے ہوئے ہے اور پاکستان کورونا وائرس پر قابو پانے کی کوششوں میں ایران کی مکمل حمایت کرتا ہے۔
یاد رہے کہ پاکستان نے کرونا وائرس کی ممکنہ خطرے کے پیش نظر عالمی لیبارٹریوں سے رابطہ کرلیا ہے۔ ظفرمرزا کا کہنا تھا کہ وائرس کی پاکستان میں تشخیص کی سہولت نہیں ،رپورٹ ہونیوالے مشتبہ کیسز کے سیمپلزبین الاقوامی لیبارٹریز بھیجےجائیں گے۔ وزارت صحت نے کرونا وائرس کی تشخیص کے لیے چین، ہانگ کانگ اور ہالینڈ کی لیبارٹریوں سے رابطہ کرلیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News