مالم جبہ اسکی ایونٹس کی مناسبت سے پاک فضائیہ نے ایک نیا نغمہ جاری کردیا۔

وِنٹر اسپورٹس فیڈریشن آف پاکستان اور پاک فضائیہ کے زیر اہتمام ملک میں سرمائی کھیلوں کے سب سے بڑے مقابلے منعقد ہو رہے ہیں۔

وادی سوات کا پر فضا مقام مالم جبہ 5 فروری سے الپائن اسکیئنگ کے دو ایونٹس کا مرکز ہو گا۔

ان مقابلوں میں مالم جبہ انٹرنیشنل الپائن اسکی کپ اور چیف آف ایئر اسٹاف قراقرم انٹرنیشنل الپائن اسکی کپ شامل ہیں۔

 ان دلچسپ مقابلوں میں 63پاکستانی کھلاڑیوں کے ساتھ ساتھ 09 ممالک سے 36بین الاقوامی اسکئیرز بھی جلوہ گر ہونگے۔

۔ اس موقع پر  پاک فضائیہ کے شعبہ تعلقات عامہ نے ایک نغمہ جاری کیا ہے

جسے خدیجہ حیدر اور ابھرتے گلوکار تیمور ظفر نے گایا ہے۔

اس گانے میں پاکستان کی  قدرتی خوبصورتی اور ہماری روایتی مہمان نوازی کو دکھایا گیا ہے ۔

ان کھیلوں کے انعقاد سے پاکستان میں سرمائی کھیلوں کے ساتھ ملک میں سیاحت کو بھی فروغ ملے گا ۔