صوبائی وزیر خوراک سمیع اللہ چوہدری  نے کہا ہے کہ وزیر اعظم پاکستان عمران خان نے پوری دنیا کے سامنے بھارت کا مکروہ چہرہ بے نقاب کیا ہے۔

 تفصیلات کے مطابق صوبائی وزیر خوراک سمیع اللہ چوہدری  نے یکجہتیٔ کشمیر کے موقع پر خصوصی پیغاممیں کہا کہ کشمیر پاکستان کی شہ رگ ہے اور پاکستانیوں کادل کشمیریوں کے ساتھ دھڑکتا ہے۔

سمیع اللہ چوہدری نے کہا کہ کشمیریوں پر بھارت نے ظلم و ستم کی انتہا کردی ہے، عالمی برادری کو چاہیے کہ وہ بھارت کو مجبور کرے کہ وہ مقبوضہ کشمیر میں کرفیو ہٹائے اور انھیں آزادانہ نقل وحمل کا حق دے۔

 اپنے بیان میں صوبائی وزیر خوراک سمیع اللہ چوہدری نے مزید کہا کہ موجودہ حکومت 22 کروڑ پاکستانی عوام کے ساتھ کشمیریوں کی اخلاقی، سیاسی اور سفارتی مدد جاری رکھے گی۔

5 فروری، کشمیریوں سے یکجہتی کا دن

 یاد رہے کہ 5  فروری، کشمیریوں سے یکجہتی کا دن ملک بھر سمیت دنیا بھر میں منایا جارہا ہے، پاکستان میں سب سے پہلے کشمیر سے یکجہتی کا دن 5 فروری کو 1991 سے ہر سال منایا جاتا ہے۔

تاہم کم لوگ ہی یہ جانتے ہیں کہ پاکستان میں اس دن کو منانے کی شروعات کب اور کیسے ہوئی اور کس شخصیت نے سب سے پہلے ریاستی سطح پر اس دن کو منانے کا مطالبہ پیش کیا۔

یوم یکجہتی کشمیر کل اس عزم کی تجدید کے ساتھ منایا جائے گا کہ پاکستانی قوم اقوام متحدہ کی قراردادوں کے مطابق خودارادیت کے ناقابل تنسیخ حق کے حصول کیلئے کشمیری عوام کی جائز جدوجہد کی مکمل حمایت کرتی ہے۔

اس سال یہ دن ایک ایسے موقع پر منایا جارہا ہے جب بھارت نے گزشتہ سال اگست میں تمام بین الاقوامی قوانین کی مکمل خلا ف ورزی کرتے ہوئے مقبوضہ کشمیر کی خصوصی حیثیت ختم کردی اور ا س وقت سے مقبوضہ وادی کی پوری آبادی محاصرے میں ہے۔