چیف جسٹس کی کراچی تجاوزات کیس پر سماعت پر اہم فیصلوں کے بعد سندھ حکومت نے اہم ہنگامی اجلاس طلب کرلیا۔

 ہنگامی اجلاس کی صدارت پیپلز پارٹی کے چیئرمین بلاول بھٹو زرداری نے کی جبکہ اجلاس بلاول ہاؤس میں منعقد کیا گیا۔

اجلاس میں وزیراعلیٰ مراد علی شاہ سمیت دیگر اہم شخصیات وزیر بلدیات ناصر حسین شاہ ، سعید غنی، چیف سیکریٹری سندھ کو طلب کیا گیا۔

 بلاول ہاؤس میں جاری میٹنگ میں کراچی سرکلر ریلوے کے معاملے پر مشاورت کی گئی جبکہ سعید غنی کے توہین عالت کیس کے نوٹس پر بھی بات چیت کی گئی۔

میٹنگ میں ڈی جی ایس بی سی اے کے نئے ناموں پر بھی غور کیا گیا ہے۔

کراچی تجاوزات کیس میں سپریم کورٹ کا بڑا حکم

ذرائع کا کہنا ہے کہ لاڑکانہ سمیت سندھ کے دیگر اضلاع کے ترقیاتی منصوبوں سمیت دئگر امور پر غور کیا گیا ہے۔

بلاول ہاؤس میں جاری اجلاس میں وزیراعلی کے پاس محکمے کم کرنے کا فیصلہ بھی کیا گیا ہے جس پر ذرائع کا کہنا ہے کہ اجلاس میں نادر مگسی سمیت دیگر کو کابینہ میں شامل کرنے پر غور کیا گیا ہے۔

ذرائع کا کہنا ہے کہ وزیر اعلی سندھ اور وزراء نے بلاول بھٹو زرداری کو سندھ میں جاری ترقیاتی منصوبوں پر بریفنگ دی گئی جبکہ لیاری، صفورا سمیت مختلف علاقوں جاری منصوبوں پر بلاول بھٹو کو آگاہ کیا گیا۔

اجلاس میں بلاول بھٹو کو وفاق سےملنے الی رقم پر وزیر اعلی نے پارٹی چیئرمین کو آگاہ کیا گیا جس پر وزیر اعلی نے بتایا 128 بلین روپے کا شارٹ فال ہے۔

یاد رہے کہ اس سے قبل سپریم کورٹ کے 3 رکنی بینچ نے کراچی رجسٹری میں شہر میں پارکوں پر قبضوں، رہائشی پلاٹس کے تجارتی استعمال اور تجاوزات کے خلاف سابق سٹی ناظم نعمت اللہ خان سمیت مختلف سماجی کارکنان کی درخواستوں کی سماعت کی۔

سماعت کے دوران سپریم کورٹ نے ڈی جی سندھ بلڈنگ کنٹرول اتھارٹی ظفر احسن کو کراچی تجاوزات کیس میں فوری ہٹانے کا حکم دیا اور ریمارکس دیئے کہ یہ محکمہ بہت کرپٹ ہے، وزیراعلیٰ سندھ تمام کرپٹ اور نااہل افسران کو فارغ کریں۔