کراچی میں مشتبہ 22 سالہ پاکستانی طالبعلم کی کرونا وائرس کی رپورٹ کلیئر آگئی ہے۔

تفصیلات کے مطابق  22 سالہ پاکستانی طالبعلم کو مشتبہ کرونا وائرس کا مریض قرار دیا گیا تھا۔

چین سے آئے نوجوان میں نوول کورونا وائرس کی علامات ظاہر ہونے پر آئسولیشن وارڈ میں داخل کرایا گیا تھا، نوجوان ڈاؤ یونیورسٹی اسپتال کے آئسولیشن وارڈ میں داخل ہے۔

کراچی میں کورونا وائرس کا مشتبہ کیس سامنے آگیا

ترجمان ڈاؤ یونیورسٹی اسپتال کا کہنا ہے کہ نوجوان کو 2 روز قبل ڈاؤ یونیورسٹی اسپتال میں لایا گیا، تحریری رپورٹ ملتے ہی نوجوان کو ڈسچارج کر دیا جائے گا۔

نوجوان 13 فروری کو چین سے کراچی آیا تھا اور نمونوں کے ابتدائی طبی تجزیے کے بعد داخل کیا گیا تھا۔

ترجمان ڈاؤ یونیورسٹی اسپتال نے بتایا کہ قومی ادارہ برائے صحت اسلام آباد نے تصدیق کر دی ہے کہ رپورٹ منفی ہے، قومی ادارہ برائے صحت اسلام آباد مشتبہ کرونا وائرس کے مریض کی تحریری رپورٹ آج رات تک جاری کرے گا۔

انہوں نے بتایا کہ تاحال ملک میں کہیں بھی کرونا وائرس کی تصدیق نہیں ہوئی ہے۔