کرونا وائرس سے محفوظ رہنے کی وجہ سے پاکستان میں  ہائی الرٹ جاری کردیا گیا ہے۔

تفصیلات کے مطابق بلوچستان حکومت کے ترجمان لیاقت شاہوانی کی بول نیوز سے گفتگو میں کہا کہ پانچ ہزارزائرین ایران میں ہیں اور ان تمام افراد کواسکینگ کے بعد آنے دیا جائے گا۔

خیال رہے کہ کورونا وائرس سے تمام لوگوں کو محفوظ رکھنےکے لیے پاک ایران سرحد بھی بند کر دی ہے۔

یاد رے کہ پاکستان میں  ہائی الرٹ اس لیے بھی جاری کیا ہے کیونکہ ایران میں کرونا وائرس کی وجہ سے چھ ہلاکتیں ہو گئی ہیں، ان ہلاکتوں کے باعث لوگوں میں خوف بھی پیدا ہو گیا ہے۔

کورونا وائرس کو روکنے کے امکانات کم ہورہے ہیں، عالمی ادارہ صحت

ایران سے منسلک سرحدی اضلاع میں ایمرجنسی نافذ کر دی گئی ہیں اور زائرین کو ایران  جانے سے روک دیا گیا۔

اسسٹنٹ کمشنر نجیب اللہ قمبرانی کے مطابق تفتان میں خیمہ اسپتال لگانے کی تیاری شروع کردی گئی ہیں۔

محکمہ پی ڈی ایم اے کی جانب سے 100بستر، خیمہ اسپتال ،ڈاکٹروں کی ٹیم اور ،10ایمبولینسزسمیت دیگر سامان تفتان پہنچادیا گیا ہے۔

لیویز حکام نے اس حوالے سے کہا کہ وائرس پھیلنےکی خدشےکےپیش نظرپاک ایران سرحد بند کی گئی۔

اس حوالے سے وزیرمذہبی امورکے علماء اورقافلہ سالاروں سےبھی  رابطہ  کیا ہے۔

اس کے علاوہ پاکستان ہاؤس میں ٹھہرائے گئے زائرین کی اسکریننگ جاری ہے۔

دونوں ممالک کےدرمیان  سفرکرنے والے کئی ڈرائیوروں کو بھی روک لیا گیا۔

کروناوائرس سےبچاؤکےسامان کی غیرقانونی فروخت پرپابندی عائدکردی گئی ہیں۔

واضح رہے کہ معاون خصوصی ڈاکٹر ظفر مرزا  نے ٹوئٹ میں  مزید کہا کہ ڈریپ پابندی پرعملدرآمدیقینی بنانےکیلئےتمام ضروری اقدامات کررہاہے۔