گورنر سندھ عمران اسماعیل سے وزیر اعلی سندھ سید مراد علی شاہ  کی گورنر ہائوس میں ملاقات ہوئی۔

ملاقات میں صوبہ میں امن و امان برقرار رکھنے کے اقدامات اور باہمی جبکہ دلچسپی کے دیگر امور ملاقات میں زیر غور آئے۔

وزیر اعلی سندھ سید مراد علی شاہ  سے ملاقات میں گورنر سندھ  نے کہا کہ و فاقی حکومت صوبہ کے تمام اسٹیک ہولڈرز کو ساتھ لے کر چلنا چاہتی ہے۔

عمران اسماعیل  نے یہ بھی کہا کہ عوام کے مسائل کے حل کے لئے وزیر اعظم تمام سیاسی نمائندوں کی شمولیت چاہتے ہیں ۔

گورنر سندھ عمران اسماعیل نے مزید کہا کہ وفاقی حکومت وزیراعظم پاکستان عمران خان کے ویژن کے مطابق عوام کے مسائل کے خاتمہ کے لئے اقدامات کر رہی ہے۔

اس موقع پر وزیر اعلی سندھ سید مراد علی شاہ  نے  کہا کہ صوبہ کے مسائل کے  حل کے لئے باہمی گفت و شنید ضروری  ہے۔

  واضح رہے اس سے قبل بھی اسلام آباد میں وزیراعظم ہائوس میں وزیراعظم عمران خان اور گورنر سندھ کی ون آن ون ملاقات میں حکومت نے آئی جی سندھ کلیم امام کو تبدیل کر کے مشتاق مہر کو آئی جی بنانے کا فیصلہ کر لیا تھا ۔

وفاق کا آئی جی سندھ کے لئے مشتاق مہر کے نام پر اتفاق

 وزیراعظم عمران خان اور گورنر سندھ کی ملاقات میں آئی جی سندھ کلیم امام کو ہٹانے اور نئے آئی جی کے لئے چند ناموں کی فہرست تیار کرلی گئی جس میں سے مشتاق مہر کا نام سرفہرست کیا گیا تھا ۔

ملاقات میں صوبے کی سیاسی اور امن و امان کی صورتحال پر بات چیت کی گئی جبکہ  گورنر سندھ نے ایم کیو ایم سے مزاکرات کے بارے میں وزیراعظم کو آگاہ کیا تھا۔

گورنر سندھ نے کہا  تھا کہ ایم کیو ایم سے ملاقات خوشگوار ماحول میں ہوئی جبکہ  وزیراعظم اور کابینہ کے فیصلے کے مطابق وزیراعلیٰ سندھ سے بات  بھی کی ہے۔

وزیراعظم نے گورنر سندھ عمران اسماعیل سے ملاقات میں کہا  تھا کہ اتحادیوں سے کیے وعدے پورے کریں گے۔