اپوزیشن لیڈر شہباز شریف کا مولانا فضل الرحمان سے ٹیلیفونک رابطہ ہوا ہے جس میں اپوزیشن جماعتوں کی اے پی سی ایک بار پھر بلانے پر غور کیا گیا ہے۔

تفصیلات کے مطابق رابطے مین گفتگو کے دوران ملکی سیاسی، معاشی صورتحال کا جائزہ لیا گیا ہے۔

ذرائع کا کہنا ہے کہ رابطے میں شہباز شریف کی جانب سے مولانا فضل الرحمن سے رابطہ کر کے ساتھ چلنے کی یقین دہانی کرادی گئی ہے جس پر شہباز شریف نے کہا ہے کہ اے پی سی جو بھی فیصلہ کرے گی ن لیگ ساتھ دے گی۔

شہبازشریف نے مولانا فضل الرحمن سے گفتگو میں بتایا کہ جب تک نوازشریف بہتر نہیں ہوجاتے لندن رہنا مجبوری ہے۔

واضح رہے کہ اس سے قبل اپوزیشن لیڈر شہباز شریف اپنے بھائی کے ہمراہ لندن میں ایک مدت سے موجود ہیں۔