کراچی پولیس کی جانب سے بڑی کارروائی کے نتیجے میں را کے دہشتگرد ونگ کا سربراہ گرفتار کرلیا گیا ہے۔

تفصیلات کے مطابق ایڈیشنل آئی جی سندھ نے پریس کانفرنس کرتے ہوئے بتایا ہے کہ شاہد عرف متحدہ کو دو ساتھیوں سمیت گرفتار کرلیا گیا ہے، پولیس نے انٹیلی جنس کی مدد سے ان دہشتگرد کو پکڑا ہے۔

انہوں نے بتایا کہ ملزم بھارتی خفیہ ایجنسی را کے نیٹ ورک سے منسلک تھا، ملزم کا تعلق ایم کیو ایم لندن سے بھی تھا جبکہ ملزم را کا دہشت گرد نیٹ کراچی میں چلا رہا تھا۔

ایڈیشنل آئی جی کا کہنا تھا کہ ملزم کو حوالہ ہنڈی کے ذریعے رقم بھارت سے ملتی تھی، ان کرپٹ ڈ ای میل کے ذریعے ملزم کو رقم کس کو پہنچانی ہے بتایا جاتا تھا، یہ لوگ دہشت گردوں کو بھی رقم فراہم کرتے تھے۔

غلام نبی میمن نے بتایا کہ یہ لوگ یہاں کی انٹیلی جنس معلومات بھارت میں محمود صدیقی کو دیتے تھے، یہ لوگ پارٹی پالیسی سے ہٹ کر کام کرنے والوں کی معلومات بھی بھارت پہنچاتے تھے۔

ایڈیشنل آئی جی نے کہا کہ ان لوگوں نے جو فنڈنگ کی وہ دہشت گرد کارروائیوں میں ملوث رہے، عمران فاروق کیس میں ان لوگوں نے خالد شمیم کو فنڈنگ کی۔انہوں نے کہا کہ 2009میں محرم میں دھماکا ہوا تھا اس گروپ نے اس کی فنڈنگ کی تھی، کراچی میں سیریز بم چلے تھے اس گروپ کی فنڈنگ بھی انہوں نے کی تھی۔

غلام نبی میمن کا کہنا تھا کہ را کے کراچی چیپٹر دہشت گرد ونگ کو کافی عرصے سے مانیٹر کر رہے تھے، یہ گروپ دہشت گردی کے لیے اسلحہ بھی فراہم کرتا تھا۔