پاکستان پوسٹ کی مدد سے 2 روز میں 2 لاکھ 72 ہزار بزرگوں کو ان کے گھروں کی دہلیز پر پنشن پہنچا دی گئی ہیں۔

اقوام متحدہ کی جانب سے بھی پاکستان پوسٹ کے اقدام کی زبردست تحسین پیش کیا گیا ، عالمی پوسٹل یونئین کے ٹویٹر اکاؤنٹ پر نمایاں تشہیر کی گئی۔

وفاقی وزیر مراد سعید کا کہنا ہے کہ نہایت کٹھن حالات میں بزرگ شہریوں کی امانتوں کی محفوظ ترسیل بڑا ٹاسک تھا، ملک بھر میں پنشن کی تقسیم کاعمل کامیابی سے جاری ہے۔

پاکستان پوسٹ کا پینشن گھروں پر پہنچانے کا ارادہ

مراد سعید پنشن کی تقسیم کا بیڑہ اٹھانے والے پاکستان پوسٹ کے کیش ملازمین حقیقی ہیروز ہیں، اپنے ان ہیروز کی مدد سے وقت مقررہ میں 13 لاکھ بزرگوں تک پنشن کی تقسیم کا عمل کامیابی سے مکمل کریں گے۔انشاءاللہ

خیال رہے ملکی تاریخ میں پہلی مرتبہ گھر کی دہلیز پر پنشن پہنچانے کے عمل کا آغاز کیا گیا تھا، وزیراعظم کی ہدایت پرپاکستان پوسٹ 13 لاکھ افرادکوپنشن گھرپرپہنچائے گا۔

وفاقی وزیر مراد سعید نے کہا تھا کہ اپنے بزرگ پنشنرز کی صحت وسلامتی کا پورا احساس ہے، اپنے بزرگ شہریوں کی سلامتی کی خاطر پنشن کی دہلیز پر تقسیم کا ذمہ لیا۔

بزرگ شہریوں نے وزیراعظم عمران خان، وزیر مراد سعید اور پاکستان پوسٹ کے “ڈاکیے” کو دعائیں دی، 13 لاکھ پنشنرز کو واجبات کی تقسیم کیلئے ہفتے کے روز بھی ڈاکیے میدان میں موجود ہیں۔

خیال رہے عمومی طور پر پنشن کی تقسیم کا عمل ہر ماہ 2 تاریخ سے شروع کیا جاتا ہے تاہم پاکستان پوسٹ کی بدولت 2 کی بجائے 24 تاریخ سے پنشن کی تقسیم کاعمل شروع کردیا گیا ہے۔

وفاقی وزیر مراد سعید نے کہا ہے کہ اپنے بزرگ پنشنرز کی صحت وسلامتی کا پورا احساس ہے، اپنے بزرگ شہریوں کی سلامتی کی خاطر پنشن کی دہلیز پر تقسیم کا ذمہ لیا۔

مراد سعید کا کہنا تھا کہ عموماًپنشن وصولی کےلیے پنشنرز پبلک ٹرانسپورٹ استعمال کرتے ہیں، بزرگ پنشنرز کو قطاروں میں کھڑا ہونے کی زحمت بھی اٹھاناپڑتی ہے،خطرے سے دوچار کئے بغیربزرگوں کو امانتیں پہنچانے کا بیڑہ اٹھایا ہے، اللہ کریم کی نصرت سے اپنا ٹاسک کامیابی سے مکمل کریں گے۔