صدر مملکت ڈاکٹر عارف علوی نے کہا ہے کہ وباء کے پھیلاو کو روکنے کے لئے عوام کو احتیاطی تدابیر پر عمل کی ضرورت ہے۔

تفصیلات کے مطابق صدر مملکت ڈاکٹر عارف علوی کی زیر صدارت ویڈیو کانفرنس کے ذریعہ ایک اہم اجلاس منعقد ہوا، مشاورتی اجلاس میں صدر مملکت کے کورونا وباء کے تناظر میں ابھرتی صورتحال پر علماء کو اعتماد میں لیا۔

اس موقع پرصدر مملکت  نے عوام میں شعور و آگہی بیدار کرنے میں ان سے تعاون کی درخواست کی جس پر علمایے کرام نے صدر مملکت کو اپنی بھرپور حمایت کا یقین دلایا۔

اجلاس میں صدر مملکت نے علماے کرام کے درمیان اتحاد و اتفاق کو سراہا جبکہ صدر مملکت نے گذشتہ روز کراچی میں علماء کرام کی جانب سے اتفاق رایے سے کورونا کے خلاف احتیاطی تدابیر کا فتوی دینے کو بھی سراہا۔

صدر مملکت نے علماء سے عوام کو گھروں میں ٹہرنے, گھروں میں عبادت کرنے کے حوالے سے نصیحت کرنے ہر زور دیا اور کہا کہ اس سے وباء کے پھیلاو کو روکنے میں مدد ملے گی۔

صدر مملکت ڈاکٹر عارف علوی  نے مزید کہا کہ وباء کے پھیلاو کو روکنے کے لئے عوام کو احتیاطی تدابیر پر عمل کی ضرورت ہے جبکہ موجودہ صورتحال سے نمٹنے کا واحد حل ایک دوسرے سے مناسب فاصلہ رکھنا اور اسلامی تعلیمات پر عملدرآمد  ہے۔

اس موقع پر علماے کرام کا کہنا تھا کہ وہ مذہبی اجتماعات کی معطلی,  امتحانات اور دستار بندی تقریبات کے التواء, اور 30 لاکھ مدرسہ طلباء کی چھٹیوں سمیت متعدد اقدامات کر چکےہیں۔

علماے کرام نے عوام کو نصیحت کی کہ وہ بارگاہ الہی میں واپس لوٹیں اور اللہ سے اس بحران کے خاتمے کی دعا کریں جبکہ انہوں نے غرباء کی امداد کے. لیے حکومتی کوشیشوں کی تعریف بھی کی ۔

 علماے کرام نے اس وبا کے خاتمے کے حوالے سے ڈاکٹروں اور نرسوں کے اس وبا کے خلاف فرنٹ لاین جدوجہد پر خراج تحسین پیش کیا جس پر صدر مملکت نے حکومتی ہالیسیون کی حمایت پر علمایے کرام کا شکریہ ادا کیا۔

صدر مملکت ڈاکٹر عارف علوی کی زیر صدارت ویڈیو کانفرنس کے ذریعہ اہم اجلاس میں تمام گورنرز اور مختلف مکاتیب فکر کے علماء نے شرکت کی۔