وزیراعظم عمران خان نے کہا ہے کہ بھارت میں مسلمان نشانےپرہیں، مودی کا ہندوتوانظریہ دیگر اقلیتوں کو بھی نشانہ بنائے گا ۔

تفصیلات کے مطابق  وزیراعظم عمران خان نے سماجی رابطے کی ویب سائٹ ٹویٹر پر اپنے پیغام میں کہا کہ بھارت میں بسنے والےمسلمان اور کشمیر  نشانے پرہیں جبکہ  اقلیتوں کےخلاف عدم برداشت،ٹارگٹ کےواقعات میں اضافہ ہورہا ہے۔

میں عالمی برادری کو مسلسل متنبہ کررہا ہوں کہ تمام اقلیتیں ایک دن مودی کے ہندو بالادستی کے نسل پرست نظریے کی بھینٹ چڑھیں گی۔ فی الحال تو کشمیر اور بھارت میں بسنے والےمسلمان نشانہ ہیں لیکن دیگر اقلیتیں بھی عدم برداشت اور ان بڑھتے ہوئے حملوں کی زد میں آئیں گیhttps://www.bolnews.com/urdu/pakistan/2020/03/640910/amp/

— Imran Khan (@ImranKhanPTI) March 7, 2020

اپنے پیغام میں وزیراعظم نے کہا کہ مودی کاموجودہ ٹارگٹ کشمیری اوربھارت میں مقیم مسلمان ہیں ،عالمی برادری کو مسلسل متنبہ کررہا ہوں کہ اور اگر یہی صورت حال رہی تو تمام اقلیتیں ایک دن مودی کے ہندو بالادستی کے نسل پرست نظریے کی بھینٹ چڑھیں گی۔

 وزیراعظم نے  یہ بھی کہا کہ ، جو بھی فاشسٹ نظریے سے متفق نہ ہونے کی ہمت کرے گا تشدد کانشانہ ہوگا۔ انہوں نے کہا کہ عدم برداشت کا نظریہ دوسری اقلیتوں کو بھی اپنی لپیٹ میں لےگا۔

اگرنسلی بالادستی کےاس ایجنڈےکی پیش قدمی نہ روکی گئی تو دلتوں سمیت بھارت میں مقیم تمام گروہ اسکی زد میں آئیں گے۔ نتیجتاًجوبھی اختلاف کی جسارت کرے گا ان فسطائیوں کےہاتھوں تشدد کانشانہ بنےگا۔ صورتحال کےسدِباب کیلئےعملی اقدامات نہ اٹھائےگئےتواسکےنتائج خطےسےباہر بھی محسوس کئےجائیں گے۔

— Imran Khan (@ImranKhanPTI) March 7, 2020

وزیراعظم عمران خان نے مزید کہا کہ اگرنسلی بالادستی کےاس ایجنڈےکی پیش قدمی نہ روکی گئی تو دلتوں سمیت بھارت میں مقیم تمام گروہ اسکی زد میں آئیں گے۔

واضح رہے اس سے قبل وزیراعظم عمران خان  نے  جماعت پاکستان تحریک انصاف ( پی ٹی آئی ) کی سوشل میڈیا ٹیم سے ملاقات کی تھی۔

عوام کو دو ماہ میں اچھی اچھی خوشخبریاں ملیں گی، وزیر اعظم

ذرائع کا کہنا تھا کہ ملاقات میں وزیر اعظم عمران خان  نے عوام کو مزید ریلیف فراہم کرنے کا عندیہ بھی دیا۔

سوشل میڈیا ٹیم  نے وزیر اعظم سے سوال کیا تھا کہ کیا آپ کبھی اپنا موبائل فون بھی دیکھتے ہیں جس پر وزیر اعظم نے کہا کہ جی ! صبح اٹھ کر موبائل ضرور دیکھتا ہوں ، موبائل فون دیکھ کر ہی اندازہ ہوتا ہےکہ کس بحران سے نمٹنا ہے ۔

عمران خان نے کا کہنا تھا کہ ‏میں حکومت میں آکر بھی ہمہ وقت بحران سے نمٹنے کے لیے تیار رہتا ہوں ۔‏آٹے  اور چینی بحران کے حوالے سے تحقیقاتی رپورٹ پبلک ضرور کریں گے۔