سندھ میں مزید 10 مریضوں نے کورونا وائرس کو شکست دے دی جس کے بعد صوبے بھر میں کرونا وائرس سے صحت یاب ہونے والوں کی تعدادا 51 ہو گئی جبکہ ملک بھر میں اب تک مجموعی طور پر 82 ہوگئی ہے۔
تفصیلات کے مطابق ترجمان سندھ حکومت بیرسٹر مرتضی وہاب نے سماجی رابطے کی ویب سائٹ ٹویٹر پر اپنے ایک پیغام میں کہا کہ سندھ میں کورونا وائرس کے مزید 10 مریض صحتیاب ہوچکے ہیں اور ان کا کورونا وائرس ٹیسٹ منفی آیا ہے۔
مرتضی وہاب نے یہ بھی کہا کہ اب سندھ میں میں صحتیاب ہونے والے مریضوں کی کل تعداد 51 ہو گئی ہیں، اللہ تعالٰی ہم سب کی حفاظت فرمائے اور متاثرہ مریضوں کو شیفہ دے۔
اپنے پغام میں ترجمان سندھ حکومت بیرسٹر مرتضی وہاب نے مزید کہا کہ لوگوں کو یہ سیکھنا چاہئے کہ تنہائی یا معاشرتی دوری ہی کورونا وائرس کا واحد علاج ہے۔
یاد رہے کہ ملک میں کورونا وائرس کے آج 158 افراد میں مہلک وائرس کی تشخیص ہوئی جن میں سندھ سے 110 ، پنجاب میں 18 ، بلوچستان میں 6 اور گلگت بلتستان میں 24 کورونا وائرس کے کیسز کی تصدیق ہوئی ہے جس کے بعد ملک بھر میں متاثرہ افراد کی تعداد 1965 تک پہنچ گئی ہے۔