گورنر سندھ عمران اسماعیل سے بلجیئم کے سفیر کی گورنرہاﺅس میں ملاقات ہوئی ہے۔

ملاقات میں دوطرفہ سفارتی  تعلقات، باہمی تجارت میں مزید اضافہ،سیاحت کے فروغ  اور اہمیت کے حامل دیگر امور پر تفصیلی تبادلہ خیال کیا گیا۔

ملاقات میں گورنر کا کہنا تھا کہ پاکستان انتہائی دلفریب سیاحتی مقامات کا حامل ملک  ہے اور دنیا میں انہیں متعارف کرانے کے لئے حکومت خصوصی اقدامات کر رہی ہے۔

انہوں نے کہا کہ امن و امان کی بہتر صورتحال کے باعث پاکستان میں غیر ملکی سیاحوں کی تعداد میں بھی نمایاں اضافہ ہورہا ہے۔

ان کا کہنا تھا کہ کوہ پیمائی کےحوالہ سے  پاکستان کو نمایاں مقام حاصل ہے اور کے ٹو سمیت کئی بلند پہاڑ پاکستان میں موجود ہیں۔

گورنر سندھ کا کہنا تھا کہ بلجیئم  کے سرمایہ کار  پاکستان کی معاشی شہ رگ میں مختلف شعبوں میں سرمایہ کاری کر سکتے ہیں اس ضمن میں حکومت انھیں ہر ممکن تعاون اور معاونت بھی فراہم کرے گی۔

سفیر بلجیئم ککی جانب سے اظہار رائے کیا گیا کہ دوطرفہ سفارتی  و تجارتی تعلقات وقت گذرنے کے ساتھ مزید مستحکم ہو رہے ہیں۔