پاکستان میں آج مزید 64 مریضوں نے کورونا وائرس کو شکست دے دی جس کے بعد ملک میں کورونا سے صحتیاب مریضوں کی کل تعداد 1902 ہو گئی ہے۔

تفصیلات کے مطابق آج ملک میں کورونا وائرس سے متاثر 64 مریضوں کے صحتیاب ہونے کی تصدیق ہوئی جن میں 33 مریضوں کا تعلق سندھ سے ، 18 مریضوں کا تعلق پنجاب سے 2 مریضوں کا تعلق بلوچستان ،10 کا تعلق خیبر پختونخواہ سے اور ایک کا تعلق گلگت بلتستان سے ہے۔

 پاکستان میں مہلک وائرس سے اب تک صحت یاب ہونے والوں کی مجموعی تعداد 1902 ہوگئی ہے۔

 اعداد وشمار کے مطابق صحتیاب مریضوں میں 625 کا تعلق سندھ، 194 مریضوں کا تعلق گلگت بلتستان، 20 مریضوں کا تعلق اسلام آباد، 226 مریضوں کا تعلق خیبر پختونخوا ،144 مریضوں کا تعلق بلوچستان اور 684 مریضوں کا تعلق پنجاب سے جبکہ 9 مریضوں کا تعلق آزاد کشمیر سے ہے۔

کوروناکےوارتیزی سے جاری،دنیابھرمیں 1 لاکھ 60 افرادہلاک

واضح رہے کہ دنیابھرمیں کوروناوائرس سےمتاثرہ افراد کی تعداد 23 لاکھ 31 ہزار 892 ہو چکی ہےجبکہ اس سے ہلاکتیں 1 لاکھ 60 ہزار 763 ہو گئیں۔

کوروناوائرس کےدنیابھرمیں 15 لاکھ 73ہزار 935 مریض اب بھی اسپتالوں میں زیرِعلاج ہیں، جن میں سے 55 ہزار 280 کی حالت تشویش ناک ہےتاہم 7 لاکھ 57 ہزار 957 مریض صحتیاب ہوچکےہیں۔