وزیر اعلیٰ سندھ مراد علی شاہ نے کہا ہے کہ اب تک ہم نے ہر چیز درگزر کر چکے ہیں لیکن ہم اکیلے کچھ نہیں کر سکتے ہیں کیونکہ شہری علاقوں کو سنبھالنا ہمارے لئے اس وقت بہت اہم ہے۔

تفصیلات کے مطابق وزیر اعکیٰ سندھ نے میڈیا سے گفتگو کرتے ہوئے کہا ہے کہ ہم نے سندھ میں 22 تاریخ کو لاک ڈاؤن شروع کیا لیکن لاک ڈاؤن کا مطلب یہ نہیں کہ آپ گھر سے نہیں نکل سکتے ہیں۔

ان کا کہنا تھا کہ شہری علاقوں کو سنبھالنا ہمارے لئے اس وقت بہت اہم ہے کیونکہ کورونا اگر دیہی علاقوں میں پہنچ گیا تو حالات قابو سے باہر ہو جائیں گے۔

انہوں نے کہا ہے کہ وفاقی حکومت کا مشکور ہوں یکم اپریل نے وفاقی حکومت نے خود تجویز دی جو لاک ڈاؤن ہے اس کو مزید دو ہفتے تک بڑھایا جائے اور میں نے اس کو سپورٹ کیا۔

مراد علی شاہ کا کہنا تھا کہ لاک ڈاؤن کے باوجود کچھ صوبوں میں کچھ عرصے بعد ہی انڈسٹریز کھول دی گئی تھیں۔

یاد رہے کہ اس سے قبل سلام آباد میں وزیراعظم کی زیر صدارت نیشنل کوارڈینیشن کمیٹی کے اجلاس منعقد کیا گیا جس میں ملک میں موجود موجودہ صورتحال پر چند اہم فیصلے کئے گئے ہیں۔

ذرائع کے مطابق اجلاس میں وزیراعظم نے وزیراعلی سندھ مراد علی شاہ کی درخواست کو منظور کرلیا ہے جبکہ یاد رہے کہ  وزیراعلی سندھ نے درخواست کی تھی کوئی بھی فیصلہ کرنے سے قبل سندھ حکومت سے مشاورت کی جائے۔

عبدالعلیم خان نے صوبائی وزیر کی حیثیت سے حلف اٹھالیا

ذرائع نے یہ بھی بتایا کہ وزیراعلی سندھ نے درخواست کی تھی وزیراعظم جو بھی فیصلہ کریں اس میں سندھ کی ان پٹ شامل کی جائے۔

وزیراعظم نے اجلاس میں کہا ہے کہ وزیر اعلیٰ سند کی جانب سفارشات کے مطابق  تعمیراتی سیکٹر کا پہلا فیز کل سے کھول دیا جائے گا۔

ذرائع کا کہنا ہے کہ اجلاس میں ملک بھر میں لاک ڈاؤن کو مزید توسیع دینے کا فیصلہ کرلیا گیا ہے جس کا باقاعدہ اعلان کل کیا جائے گا۔

ذرائع کا کہنا ہے کہ اجلاس میں کورونا کی صورتحال سے نمٹنے کیلیے اقدامات کا جائزہ لیا گیا اور بتایا گیا کہ وزیراعظم چاہتے ہیں کہ ملک بھر میں لاک ڈاؤن سے متعلق ایک جیسی پالیسی ہو۔