بھارتی فوج کی جانب سے سیز فائر معاہدے کی مسلسل خلاف ورزیاں سامنے آ رہی ہیں، لائن آف کنٹرول اور ورکنگ باؤنڈری پر اشتعال انگیزیاں جاری ہیں۔

پاک فوج کے شعبہ تعلقاتِ عامہ (آئی ایس پی آر) کے مطابق بھارتی فورسز نے صبح ایل او سی پر فائر بندی کی شدید خلاف ورزی کرتے ہوئے جندروٹ، کھوئی رٹہ سیکٹرز میں جان بوجھ کر شہری آبادی کو نشانہ بنایا۔

Indian Army troops initiated unprovoked CFVs in Jandrot & Khuiratta Sectors along #LOC deliberately targeting civilian population this morning. A woman embraced shahadat while an 8 years old girl sustained injuries. Injured child evacuated & being provided medical care.

— DG ISPR (@OfficialDGISPR) April 27, 2020

ترجمان آئی ایس پی آر کا کہنا ہے کہ بھارتی فورسز نے لائن آف کنٹرول پر اشتعال انگیزیاں کے دوران خودکار ہتھیاروں اور را کٹس کا استعمال کیا۔

ترجمان آئی ایس پی آر کا یہ بھی کہنا ہے کہ بھارتی فورسز کی بلااشتعال فائرنگ کے نتیجے میں گاؤں رید کی 36 سالہ خاتون یاسمین شہید جبکہ گاؤں موہڑہ چھتر کی عطیبہ ظاہر شدید زخمی ہوگئی۔

بھارتی فورسز کی لائن آف کنٹرول پر بلااشتعال فائرنگ ،دو شہری زخمی

ترجمان آئی ایس پی آر کا مزید کہنا ہے کہ بھارتی فورسز کی فائرنگ سے ہونے والی زخمی بچی کو فوری طور پر علاج کیلئے طبی مرکز منتقل کر دیا گیا ہے۔

واضح رہے کہ پاک فوج نے چند روز قبل بھارتی کنٹرول لائن پر بھارتی ڈرون مار گرایا تھا، بھارتی ملٹری کا کواڈ کاپٹر پاکستانی حدود کے 600 میٹر اندر گھس آیا تھا جس پر پاک فوج نے کارروائی کی۔