محکمہ داخلہ سندھ نے لاک ڈاؤن میں30اپریل تک توسیع کا نوٹی فکیشن جاری کردیا ۔

تفصیلات کے مطابق کورونا وائرس کی سنگینی میں روز بروز اضافہ دیکھنے میں آرہا ہے جس کے باعث لاک ڈاؤن میں توسیع کی گئی جس کے بعد محکمہ داخلہ سندھ کی جانب سے صوبےمیں نیا ایس او پی بھی جاری کردیا گیا۔

محکمہ داخلہ سندھ کی جانب سے جاری کردہ نوٹی فکیشن میں کہا گیا ہے کہ تعلیمی ادارے،عوامی مقامات،شاپنگ سینٹرز،سینماہال، تمام مارکیٹیں،ریسٹونٹ مکمل طور پر بند رہیں گے۔

نوٹی فکیشن کے مطابق ریسٹورنٹ سےکھاناگھرلےجانےکی اجازت بھی نہیں ہوگی جبکہ ریسٹورنٹ کی جانب سےہوم ڈیلوری کی اجازت ہوگی۔

نوٹی فکیشن میں کہا گیا ہے کہ کسی بھی قسم کےمذہبی اورمزارات پراجتماعات اور پبلک ٹرانسپورٹ جبکہ جیلوں میں قیدیوں سےملاقاتوں پر بھی مکمل پابندی ہوگی۔

نوٹی فکیشن میں کہا گیا ہے کہ شام5سےصبح8بجےتک گھروں سےباہرنکلنےپرپابندی ہوگی جبکہ پابندیوں کااطلاق 30اپریل تک ہوگا۔

یاد رہے اس سے قبل وفاقی وزیر حماد اظہر کا کہنا تھا کہ جزوی لاک ڈاؤن کے دوران کیمیکل مینوفیکچرنگ پلانٹ،ای کامرس،سافٹ ویئرڈیولپمنٹ ، پیپرپیکچنگ یونٹس،سیمنٹ پلانٹس،فرٹیلائزرزپلانٹس کھلیں گے۔

انہوں نے بتایا تھا کہ مائنزاورمنرلز،لانڈری سروسز،پودوں کی نرسریاں  بھی کھلی رہیں گی جکہ زراعت کے لئے مشینیں، آلات بنانے والے یونٹس بھی کھولنےجارہےہیں جبکہ ملک بھر میں کتابوں کی  دکانیں، اسٹیشنری شاپس،، شیشہ بنانے والی صنعتیں  بھی کھلی رہیں گی۔

جزوی لاک ڈاؤن کے دوران کون کونسے شعبے کھلیں گے

واضح رہے کہ وزیراعظم عمران خان نے قومی رابطہ کمیٹی کے اجلاس کے بعد اظہار خیال کرتے ہوئے کہا کہ کورونا کے باعث ملک بھر میں لاک ڈاؤن کیا گیا, 26 کورونا کيسز پر ہم نے لاک ڈاؤن کا سوچا اور ہمیں خوشی ہے کورونا ہمارے اندازوں سے کم پھیلا۔

وزیراعظم نے لاک ڈاؤن میں مزید2ہفتےتوسیع کا اعلان کرتے ہوئے کہا کہ لاک ڈاؤن میں مزید2ہفتےتوسیع کررہےہیں، ملک بھرمیں لاک ڈاؤن جزوی ہوگا۔

عمران خان نے یہ بھی کہا تھا کہ تمام صوبوں نےفیصلہ کرلیا ہےکون سی صنعتیں کھولنی ہیں اس لئے لاک ڈاؤن کےدوران جن کاروبارکوکھول سکتےہیں انہیں کھولیں گے کیونکہ لاک ڈاؤن کےدوران لوگوں کی مدد بھی کرنی ہے جبکہ لوگوں کا مجمع نہیں ہونا چاہیے، عوامی مقامات بندرہیں گے۔