بھارتی جنگی جنون عروج پر ہے اور ایل او سی پر بھارتی قابض افواج کی جانب سے جنگ بندی کی مسلسل خلاف ورزیاں جاری ہیں۔

تفصیلات کے مطابق بھارتی جنگی جنون کی پیش نظر ترجمان دفتر خارجہ پاکستان نے بھارتی ہائی کمیشن کے ناظم الامور گورو اہلووالیا کو دفتر خارجہ طلب کرتے ہوئے پاکستان کی جانب سے بھارتی ناظم الالمور کو ایل او سی پر جنگ بندی کی خلاف ورزی پر احتجاج ریکارڈ کرایا گیا۔

 ترجمان دفتر خارجہ کا کہنا ہے کہ بھارتی ناظم الامور کو ڈی جی جنوبی ایشیاء و سارک زاہد حفیظ چوہدری نے طلب کیا ہے جس کی بنیادی وجہ 29 اپریل کو ایل او سی کے رکھ چکری سیکٹر میں بھارتی قابض فورسز کی جانب سے سیز فائر معاہدے کی خلاف ورزی گئی ہے۔

ترجمان دفتر خارجہ نے بتایا کہ ایل او سی پر بھارتی فوج کی بلااشتعال فائرنگ سے دو خواتین 16سالہ ذوبیہ بی بی ولد لال دین اور  52سالہ رشیدہ بی بی بیوہ محمد حسن شہید ہوئیں جبکہ بھارتی قابض افواج کی فائرنگ و گولہ باری سے 10 سالہ فیضان حسن ولد محمد حسن اور 55 سالہ روشنہ بی بی بیوہ کمال دین شدید زخمی ہو گئیں۔

پاکستان نے کورونا وائرس کیلئے نیوزی لینڈ کے اٹھائے گئے اقدامات کو سراہا

عائشہ فاروقی کا کہنا تھا کہ رواں برس بھارت اب تک جنگ بندی کی 919 مرتبہ خلاف ورزیاں کر چکا ہے اور بھارتی فورسز ایل او سی اور ورکنگ باونڈری پر مسلسل معصوم شہریوں کو نشانہ بنا رہی ہیں۔

انہوں نے کہا کہ بھارت کی اشتعال انگزیزی خطے میں امن و سلامتی کے لیے خطرہ ہے اور بھارت ایسی حرکتوں سے مقبوضہ کشمیر سے دنیا کی توجہ نہیں ہٹا سکتا ہے۔

انہوں نے مزید کہا کہ بھارت اقوام متحدہ سیکورٹی کونسل کی قراردادوں پر عمل درآمد یقینی بنائے جبکہ شہری آبادی کو نشانہ بنانا 2003 کے جنگ بندی انڈر اسٹینڈنگ کی خلاف ورزی ہے جبکہ نہتے شہریوں کو بے گناہ نشانہ بنانا بین الاقوامی قوانین کے بھی منافی ہے۔

ڈاکٹر عئشہ نےمطالبہ کیا ہے کہ اقوام متحدہ کے مبصر گروپ کو ایل او سی کی معائنے کی اجازت دی جائے۔