مسلم لیگ (ن) پنجاب کی ترجمان عظمیٰ بخاری نے کہا ہے کہ بزدار صاحب پراعتبار کیسے کرلیں وہ خود آٹا اور چینی چوروں کے سرغنہ ہیں لہزا بہتر ہے کہ بزدار صاحب اخلاقی طور پر خود کو قانون کے حوالے کردیں۔

تفصیلات کے مطابق مسلم لیگ (ن) پنجاب کی ترجمان عظمیٰ بخاری نے عثمان بزدار کے بیان پر ردعمل دیتے ہوئے کہا ہے کہ بزدار صاحب آپ پنجاب کی عوام کو نہ کرونا سے بچا سکے اور نہ ہی مہنگائی سے۔

عظمیٰ بخاری نے کہا کہ بزدار صاحب وزیراعلیٰ ہاوس کو آڈیننس فیکٹری نہ بنائیں اگر آڈیننس بند کمزروں سے جاری ہونے ہیں تو پنجاب اسمبلی کو تالے لگادیں۔

مسلم لیگ (ن) پنجاب کی ترجمان نے  یہ بھی کہا کہ پنجاب حکومت فوری طور پر اسمبلی کا اجلاس بلائے اور کورونا پر اپنی کارکردگی سے ایوان کو آگاہ کرے جبکہ بزدار صاحب ذخیرہ اندوزوی کا آڈیننس بھی پہلے اسمبلی میں لائیں۔

عظمیٰ بخاری کا کہنا تھا کہ آٹے اور چینی چوری کی رپورٹ کے بعد بزدار صاحب صوبے کی عوام آپ کی طرف شک کی نظروں سے دیکھتی ہے پنجاب حکومت بتائے آپ کو کتنی امداد اور کہاں کہاں سے ملی اور کہاں خرچ کی؟؟

مسلم لیگ (ن) پنجاب کی ترجمان عظمیٰ بخاری کا مزید کہنا تھا کہ بزدار صاحب پہلے پیچھلے گناہوں کی سزا بھگتیں پھر نئے گناہ کرنے کا سوچیں کیونکہ بزدار صاحب آپ آٹے اور چینی کی چوری سے بری ازمہ نہیں ہوسکتے۔

انسانی ہمدردی کی بنیاد پر حمزہ شہباز کو رہا کیا جائے، عظمیٰ بخاری