معاون خصوصی ڈاکٹر فردوس عاشق اعوان نے کہا ہے کہ اشتہارات کے اجراء کے عمل کو صحافیوں اور میڈیا ورکرز کی تنخواہوں سے منسوب کرنے کا لائحہ عمل زیر غور آئے گا۔

تفصیلات کے مطابق معاون خصوصی ڈاکٹر فردوس عاشق اعوان نے سوشل میڈیا پر اپنے ایک ٹوئٹ میں کہا ہے کہ آج اجلاس میں ملک بھر کے بڑے پریس کلبوں کو جراثیمسے پاک کرنے کے انتظامات اور میڈیا ہاؤسز کو واجبات کی ادائیگی، اشتہارات کے اجراء کے عمل کو صحافیوں اور میڈیا ورکرز کی تنخواہوں سے منسوب کرنے کا لائحہ عمل زیر غور آئے گا۔

اجلاس میں ملک بھر کے بڑے پریس کلبوں کو disinfect کرنے کے انتظامات اور میڈیا ہاؤسز کو واجبات کی ادائیگی، اشتہارات کے اجراء کے عمل کو صحافیوں اور میڈیا ورکرز کی تنخواہوں سے منسوب کرنے کا لائحہ عمل زیر غور آئے گا۔

— Dr. Firdous Ashiq Awan (@Dr_FirdousPTI) April 25, 2020

انہوں نے بتیا کہ وزیراعظم عمران خان کی خصوصی ہدایات پر آج صوبائی وزراء اطلاعات کے ساتھ چوتھے سیشن میں صحافیوں اورمیڈیا ورکرز میں حفاظتی کٹس کی تقسیم کےعمل کو  آگے بڑھایا جائے گا۔

ان کا کہنا تھا کہ یہ کٹس کروناکےخلاف جنگ میں مشکل محاذ پررپورٹنگ کرتےہوئےصحافیوں کو حفاظت کے ساتھ اپنےفرائض سرانجام دینے میں مددگار ثابت ہونگی۔

گذشتہ روز میڈیا سے گفتگو ہوئے معاونِ خصوصی فردوس عاشق اعوان نے کہا  ہے کہ پاکستان کی تاریخ  میں پہلی بار سوشل میڈیا، ڈیجیٹل میڈیاپر اشتہارات دینےجارہے ہیں۔

اپنے بیان میں معاونِ خصوصی  نے کہا کہ  حکومت پہلے اخبارات اور ٹی وی چینلزکو سرکاری اشتہارات دیتی تھی مگر اب دور جدید کے حساب سے پالیسی کو تبدیل کرنے کا فیصلہ کیا گیا ہے۔

فردوس عاشق اعوان نے یہ بھی کہا  کہ اجلاس میں میڈیاکودرپیش مسائل کےحل پربات چیت ہوئی جبکہ احساس پروگرام کےذریعے پورٹل بنا کر امداد عوام تک پہنچانے پر بھی تفصیلی گفتگو کی گئی۔

معاونِ خصوصی فردوس عاشق اعوان نے مزید کہا کہ یوٹیوب چینلز چلانے والے بھی اشتہارات کے لیے رابطہ کرسکتے ہیں  لیکن اس سے پہلے سے یوٹیوب چینل چلانے والے صارفین کو اشتہار حاصل کرنے کے لیے رجسٹریشن کرانا ضروری ہوگی ۔